Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

MÁMS: 9 aıda Nur-Sultan qalasy boıynsha 30,5 mlrd teńge jarna tústi

2021 jyldyń 24 qazan 2021 21:30

NUR-SULTAN. QazAqparat - Jyl basynan beri, ıaǵnı 2021 jyldyń qańtar-qyrkúıek aılary aralyǵynda MÁMS úshin elordalyqtardan 30,5 mlrd teńgege jýyq jarna aýdarymdary túsken. Al osy jyldyń qyrkúıek aıynda medıtsınalyq saqtandyrý úshin 3,6 mlrd teńge aýdardy, dep habarlaıdy Áleýmettik medıtsınalyq saqtandyrý qorynyń elorda fılıalynyń baspasóz qyzmeti.

Nur-Sultan qalasy boıynsha 2017 jyldyń 1 shildesi men 2021 jyldyń 30 qyrkúıegi aralyǵynda medıtsınalyq saqtandyrý úshin jınaqtalǵan jarnanyń jalpy somasy 88,5 mlrd teńgeni qurady.

«2021 jyldyń qyrkúıek aıynda medıtsınalyq saqtandyrý úshin elordalyqtar 3,6 mlrd teńge jarna aýdarǵan. Onyń ishinde jumys berýshilerdiń aýdarymdary 1,7 mlrd teńge, al jeke kásipkerlerden túsken jarna – 1,9 mlrd teńge. Osy jylǵy 30 qyrkúıektegi jaǵdaı boıynsha 14 223 adam biryńǵaı jıyntyq tólem (BJT) boıynsha MÁMS-ke jarna tólegen.

Mindetti áleýmettik medıtsınalyq saqtandyrý úshin túsken barlyq jarna aýdarymdary,ıaǵnı jınaqtalǵan qarjy, senimgerlik basqarý týraly jasalǵan kelisimshartqa sáıkes, Ulttyq bankte saqtalady da, medıtsınalyq qyzmetter aqysyn tóleýge jumsalady. TMKKK jáne MÁMS paketteri boıynsha halyqqa kórsetilgen medıtsınalyq qyzmetterdiń sapasy men kólemine monıtorıng jasap, teksergennen keıin ǵana Qor jetkizýshilerine tólem júrgiziledi», - deıdi «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.

Joǵary qaraı