Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

MÁMS: Basqa óńirde em alatyn astanalyqtardyń jolaqysy óteledi

2021 jyldyń 29 qyrkúıek 2021 14:13

NUR-SULTAN. QazAqparat – Mindetti áleýmettik-medıtsınalyq saqtandyrý júıesi aıasynda elimizdiń basqa óńirine baryp em alatyn elorda turǵyndarynyń jolaqysyna jeńildik jasalady jáne tolyqtaı óteledi. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov málim etti, dep habarlaıdy QazAqparat tilshisi.

«Elordada kepildendirilgen tegin medıtsınalyq kómek jáne mindetti áleýmettik-medıtsınalyq saqtandyrý júıesin aıasynda joǵary tehnologııasy medıtsınalyq qyzmetke muqtaj jandarǵa tegin jáne jeńildikpen jol aqysyn óteý qarastyrylǵan. ıAǵnı elorda turǵyny basqa qalaǵa baryp em alsa, onyń jolaqysyna jeńildik jasalady nemese bıýdjet esebinen tolyq óteledi. Basqa óńirge baryp emdelý kóbinese Almaty qalasyna qatysty bolyp otyr. Sol sııaqty jolaqyny óteý patsıentpen qatar ony emdeýge alyp barǵan jaqyn adamy úshin de qarastyrylǵan», - dedi Tımýr Muratov qalalyq máslıhat otyrysynda.

Basqarma basshysynyń aıtýynsha, emdelýshiniń jolaqy jeńildigi avtokólik nemese poıyz úshin qarastyrylǵan.

«Mysaly, elordadan Almatyǵa deıin ortasha eseppen poıyz bıletiniń quny 9030 teńgeni quraıdy. Bıyl Nur-Sultan qalasynda patsıentterdiń jolaqysyn óteýge 2 mln teńge bólindi», - deıdi ol.


Joǵary qaraı