Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý halqyn sapaly aýyz sýmen qamtýǵa 170 mlrd teńge qarastyrylǵan

2021 jyldyń 5 qazan 2021 11:33

NUR-SULTAN. QazAqparat – Mańǵystaý turǵyndaryn sapaly aýyzsýmen qamtamasyz etý úshin 170 mlrd bólinedi. Onyń 123 mlrd teńgesin «QazMunaıGaz» ulttyq kompanııasy ınvestıtsııalaıdy, dep habarlaıdy QazAqparat tilshisi.

Ekologııa, geologııa jáne tabıǵı resýrstar mınıstri Serikqalı Brekeshev Úkimet otyrysynda osyndaı málimet berdi.

«Mańǵystaý oblysynyń áleýmettik-ekonomıkalyq damýynyń keshendi jospary boıynsha sýmen jabdyqtaý salasynda jalpy somasy 170 mıllıard teńgege 3 joba qarastyrylǵan.

«QazMunaıGaz» ulttyq kompanııasynyń 123,7 mıllıard teńge kólemindegi jeke ınvestıtsııasy esebinen «Beıneý-Aqtaý» ýchaskesinde, uzyndyǵy 171 shaqyrym bolatyn «Astrahan-Mańǵyshlaq» magıstraldyq sý tartqyshyn rekonstrýktsııalaý josparlanǵan.

Ol 226 myń adamy bar 1 qala men 15 aýyldyq eldi mekende sýmen jabdyqtaýdy jaqsartady. Ótkizý qabileti táýligine 110 myńnan 170 myń tekshe metrge deıin ulǵaıady», - degen mınıstr taǵy bir keshendi jobanyń arqasynda 15 aýyldy eldi mekende aýyzsý máselesi sheshiletinin atady.

«Odan basqa, jalpy uzyndyǵy shamamen 243 shaqyrymdaı bolatyn «Aqtaý-Quryq-Jetibaı-Shetpe» jáne «Kýıýlýs-Melovoe» ken ornynan Kaspıı sý tushytý zaýytyna deıin» eki sý tartqysh salý josparlanǵan. Qazir jobalyq qujattamasy ázirlenip jatyr. Bul 278 myń adamy bar 15 aýyldy eldi mekenniń sýmen jabdyqtalýyn jaqsartýǵa jáne qamtamasyz etýge múmkindik beredi», - dedi Serikqalı Brekeshev.


Joǵary qaraı