Aýa raıy
Astana 16 °S
Almaty 19 °S
valıýta baǵamy
USD 412.55
EUR 468.66
RUB 5.79
CNY 58.80

Mańǵystaý men Atyraýǵa baratyn 6 jolaýshy poıyzy ýaqytsha toqtatyldy

2020 jyldyń 9 shilde 2020 21:40

NUR-SULTAN. QazAqparat – Qazaqstanda birqatar jolaýshy poıyzynyń júrýi ýaqytsha toqtatyldy, dep habarlaıdy QazAqparat «Jolaýshylar tasymaly» AQ baspasóz qyzmetine silteme jasap.

«QR Memlekettik komıssııasynyń 2020 jylǵy 2 shildedegi sheshimine, Memlekettik bas sanıtarlyq dárigeriniń 2020 jylǵy 3 shildedegi №44 qaýlysyna sáıkes jáne QR Indýstrııa jáne ınfraqurylymdyq damý mınıstrliginiń haty negizinde SOVID-19 koronavırýs ınfektsııasynyń taralýyn boldyrmaý maqsatynda osy sheshimniń kúshi joıylǵanǵa deıin birqatar jolaýshylar poıyzynyń júrýi ýaqytsha toqtatylady», delingen habarlamada.

Ýaqytsha toqtatylǵan jolaýshy poıyzdary:

1) 2020 jyldyń 9 shildede «Almaty-2» stansasynan attanýy tıis № 29/30 «Almaty-2 – Atyraý» poıyzy 9 shildeden Almatydan jóneltilse, Atyraýdan 11 shildeden bastap jóneltilý kerek bolatyn.

2) 2020 jyldyń 10 shildede Mańǵystaý stansasynan attanýy tıis № 37/38 «Mańǵystaý-Nur-sultan Nurly jol» poıyzy Mańǵystaýdan 10 shildede shyqsa Nur-sultan «Nurly jolda» 12 shildede attanyp, Mańǵystaýǵa 14 shildede kelýi tıis bolǵan.

3) 2020 jyldyń 10 shildeden bastap Mańǵystaý stansasy boıynsha № 309/310 «Mańǵystaý-Aqtóbe» poıyzy Mańǵystaýdan 10 shildeden bastap jóneltilse, keletin/jóneltiletin Aqtóbeden 11 shildeden jóneltiledi, al Mańǵystaýǵa 13 shildeden bastap keledi.

4) 2020 jyldyń 10 shildeden bastap Mańǵystaý stansasy boıynsha № 657/658 «Mańǵystaý – Beıneý» poıyzy Mańǵystaýdan 10 shildeden jóneltilse, keletin/jóneltiletin Beıneýden 11 shildeden jóneltiledi, al Mańǵystaýǵa 12 shildeden bastap keledi.

5) 2020 jyldyń 11 shildeden bastap Almaty-2 stansasy boıynsha № 77/78 «Almaty-2-Mańǵystaý» poıyzy Almatydan 11 shildeden bastap jóneltilse, Mańǵystaýdan 14 shildeden bastap jóneltilýi tıis, al «Almaty-2» stansasyna 17 shildeden bastap kelýi kerek bolatyn.

6) 13 shildede Mańǵystaý stansasynan attanatyn № 77/78 «Mańǵystaý-Almaty-2» Mańǵystaýdan 13 shildeden bastap jóneltilse, Almatydan 16 shildeden bastap keledi/jóneltiledi, al Mańǵystaýǵa 19 shildeden bastap kelýi tıis edi.

«Atalǵan poıyzdarǵa buryn jol júrý qujattaryn (bıletterin) resimdegen jolaýshylar jol júrý qujattaryn qaıtarýdy resimdeı alady jáne aqshasy tolyq kólemde qaıtarylady. Bılet qunyn qaıtarý bıletti qaıtarý tártibi men satyp alý tásiline baılanysty qolma-qol jáne qolma-qol aqshasyz esep aıyrysý arqyly júrgiziledi», delingen habarlamada.

Jolaýshy poıyzynyń qozǵalys kestesi boıynsha barlyq aqparatty «105» nómiri boıynsha bilýge bolady.

«Ulttyq tasymaldaýshy jolaýshylardan qabyldanǵan sharalarǵa túsinistikpen qaraýdy jáne koronavırýstyq pandemııanyń taralýy kezeńinde sanıtarlyq-epıdemıologııalyq talaptardy saqtaýdy suraıdy», delingen habarlamada.

Eske sala ketsek, 7 shildede Atyraýǵa qatynaıtyn 4 jolaýshy poıyzy ýaqytsha toqtatylǵan bolatyn.


Joǵary qaraı