Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblystyq mýzykalyq-drama teatryna jańa dırektor taǵaıyndaldy

2021 jyldyń 22 qańtar 2021 20:51

AQTAÝ. QazAqparat - Nurmuqan Jantórın atyndaǵy Mańǵystaý oblystyq mýzykalyq-drama teatrynyń dırektory qyzmetine Gúlsına Merǵalıeva taǵaıyndaldy, dep habarlaıdy QazAqparat tilshisi.

Gúlsına Baqytjanqyzy 1975 jyly 20 aqpanda Reseıdiń Samara oblysy dúnıege kelgen.

1995-2000 jyldar aralyǵynda Almaty qalasyndaǵy T.Júrgenov atyndaǵy Qazaq ulttyq óner akademııasynda «drama rejısseri» mamandyǵy boıynsha Maman Baıserkenov sheberhanasynda bilim alǵan.

Shyǵarmashylyq jolyn Kókshetaý qalasyndaǵy Sh.Qusaıynov atyndaǵy Aqmola oblystyq drama teatrynda qoıýshy rejısser qyzmetinen bastaǵan.

2002 jyly arnaıy shaqyrýmen Mańǵystaý oblystyq mýzykalyq drama teatryna kórkemdik jetekshi ári bas rejısser qyzmetine taǵaıyndalyp, sodan beri osynda úzdiksiz eńbek etip keledi. Teatr irge tasyn qalaýshylardyń biri.

2004 jyly qańtar aıynda «Tarlan» táýelsiz syılyǵynyń laýreaty.

2006 jyly «azaqstan Respýblıkasynyń eńbek sińirgen qaıratkeri ataǵyn ıelendi.

2017 jyly «Nurmuhan Jantórın» atyndaǵy altyn tós belgisiniń ıegeri.

Merǵalıeva eńbek etken jyldar ishinde óziniń uıymdastyrýshylyq iskerligimen, jemisti shyǵarmashylyq qyzmetimen tanyldy. Ol kóptegen respýblıkalyq, halyqaralyq deńgeıdegi ártúrli festıvaldar men konkýrstarǵa belsendi túrde qatysyp, laýreat, dıplomat, jeńimpazy atandy.


Joǵary qaraı