Aýa raıy
Astana -1 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysy: Gaz qubyryn asfalttyń ortasyna qaldyrǵan merdiger joldy qaıta salady

2020 jyldyń 24 qyrkúıek 2020 15:56

AQTAÝ. QazAqparat - Áleýmettik jelide Mańǵystaý oblysyndaǵy aýyldardyń birinde gaz qubyrynyń aınalasyna asfalt tóselgeni týraly vıdeo tarap ketti, dep habarlaıdy QazAqparat tilshisi.

Anyqtalǵandaı, 23 qyrkúıek kúni Atash aýylyndaǵy kóshelerdiń birinde jol qurylysyn júrgizip jatqan merdiger kompanııa - «Bek-AqtaýGazSnab» JShS jumys kúni aıaqtalǵan ýaqytta, saǵat shamamen 18.30-da baqylaýshy jaýapty tulǵanyń bolmaýyna baılanysty gaz qubyrynyń ústinen asfalt jolyn tósep ketken. Onyń ústine, gaz qubyry aldaǵy ýaqytta aýystyrylýy tıis bolǵan.

Búgin osy jaǵdaıǵa baılanysty Túpqaraǵan aýdandyq ákimdigi túsinik berdi.

«Gaz qubyrynyń qorǵaý aımaǵyna jatatyn 5 metr (eki jaǵynan barlyǵy 10 metr) jerdi qaldyryp ketý týraly aldyn ala eskertýge qaramastan, merdiger mekeme tarapynan óreskel qatelikke jol berilgen. Osyǵan baılanysty merdiger mekeme sol túni tóselgen asfalt jabyndysyn qaıta alyp tastady. Merdiger qatelikter úshin jaýapkershilikti tolyǵymen óz moınyna aldy. Atalǵan jumystardy qalpyna keltirý merdiger kompanııa tarapynan júrgiziledi. Sondaı-aq, «QazTransGazAımaq» AQ-dan alynǵan tehnıkalyq shart talaptaryna sáıkes gaz qubyry aýystyrylady, - dedi Túpqaraǵan aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy Almas Jetkizgenov.

Mańǵystaý oblysynyń Qoǵamdyq kommýnıkatsııa ortalyǵynan málim etkendeı, aýylishilik joldyń atalǵan bóligin asfalttaý gaz qubyry aýystyrylǵannan keıin qaıta júrgiziledi.



Avtor Qarakóz Marat
Basty sózder: Aımaq, Mańǵystaý oblysy, Qoǵam,
Joǵary qaraı