Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysyna Irannan 53 qandasymyz kóship keldi

2021 jyldyń 15 qyrkúıek 2021 16:12

AQTAÝ. QazAqparat - Mańǵystaý oblysyna Iran Islam Respýblıkasynan 53 qandasymyz keldi, dep habarlaıdy QazAqparat tilshisi.

«Iran Islam Respýblıkasynyń Gorgan qalasynan 53 adam Qazaqstanǵa qonys aýdardy. Olar Aqtaý qalasynda 2-3 kún aıaldap, qujattaryn retteıdi. Qujattaryn retteý jumystary aıaqtalǵannan soń Nur-Sultan qalasyna attanady. Keıin kóshi-qon baǵdarlamasy arqyly Soltústik Qazaqstan óńirine qonystanady»,-dedi Aqtaý qalasy ákiminiń orynbasary Ábilqaıyr Baıpaqov qoǵamdyq kommýnıkatsııa ortalyǵy.




Aıta keteıik, óńirge kelgen 53 adamnyń 25-i bala, barlyǵy 20 otbasy atamekenge oraldy. Tarıhı Otanyna kelgenderdiń biri Hadısha Adaı. Atamekendi ańsap, egemen eline kelgen ol qýanyshyn jetkizip, jyly lebizimen bólisti.

«Men Túrkimenstanda týdym. Degenmen jumys baby boıynsha Bojnýrd qalasynda 22 jyl turdym. Týǵan ápkem, qyzym, týystarymmen birge atamekenge kelip jatyrmyz. Óte qýanyshtymyz. Barlyǵy da jat adamdar emes aǵaıyndar. Ystyq yqylaspen qabyldaǵandaryńyzǵa óte rızamyz», - dedi Hadısha Adaı.




Bul kósh QR Syrtqy ister mınıstrligi, QR Irandaǵy Elshiligi men «Otandastar qory» KEAQ Mańǵystaý jáne Soltústik Qazaqstan oblysy ákimdiginiń qoldaýymen uıymdastyryldy.





Avtor Qarakóz Marat
Basty sózder: Qandastar, Mańǵystaý oblysy,
Joǵary qaraı