Aýa raıy
Astana 6 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysynda 7 aılyq normadan kóp jaýyn-shashyn tústi

2020 jyldyń 6 tamyz 2020 14:36

AQTAÝ. QazAqparat - Mańǵystaý oblysynda qalyptasqan jaǵdaıǵa baılanysty, Qazaqstan Respýblıkasy Ekologııa, geologııa jáne tabıǵı resýrstar mınıstrliginiń «Qazgıdromet» RMK 2020 jylǵy 5-6 tamyzda Mańǵystaý oblysynda naızaǵaı oınap, qatty jańbyr jaýǵanyn habarlaıdy.

«Táýlik ishinde túsken jaýyn-shashyn mólsheri: 2020 jylǵy 5 tamyzda Fort-Shevchenko meteostantsııasynda – 23 mm qurady, bir aıdaǵy norma 7 mm. 6 tamyzǵa qaraǵan túni Aqtaý qalasynyń ózinde naızaǵaı oınap, qatty nóser saldarynan 66 mm jaýyn-shashyn mólsheri tústi, al bir aıdaǵy norma 6 mm»,-delingen «Qazgıdromet» RMK baspasóz qyzmetiniń habarlamasynda.

«Qazgıdromet» RMK 6 tamyzǵa Mańǵystaý oblysy jáne Aqtaý qalasy boıynsha kútiletin mol jaýyn-shashyn, naızaǵaı jáne daýyldy jel jóninde aldyn ala daýyldy eskertý shyǵardy jáne taratty.

Osyǵan deıin Aqtaýda kúni boıy jaýǵan jańbyr saldarynan ortalyq kóshelerdiń sýǵa tolyp, jańadan salynǵan kópqabatty úılerdiń shatyrynan sý ketkeni týraly jazǵan edik.



Joǵary qaraı