Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysynda birqatar taǵaıyndaý boldy

2020 jyldyń 30 qarasha 2020 12:46

AQTAÝ. QazAqparat - Memlekettik qyzmet isteri agenttiginiń Mańǵystaý oblysy boıynsha departamentine jáne ákimdiktiń Jumyldyrý daıyndyǵy, aýmaqtyq qorǵanys jáne azamattyq qorǵaý basqarmasyna jańa basshylar taǵaıyndaldy, dep habarlaıdy QazAqparat ákimdiktiń baspasóz qyzmetine silteme jasap.

Memlekettik qyzmet isteri agenttiginiń Mańǵystaý oblysy boıynsha departamenti dırektory lazazymyna Toqtamys Qajyshuly taǵaıyndaldy. Ol 1965 jyly týǵan. «Tarıh, qoǵamtaný jáne keńestik quqyq oqytýshysy», «zańger», «ekonomıst» mamandyqtary boıynsha joǵary bilimi bar. Zań ǵylymdarynyń kandıdaty.

Eńbek jolyn 1990 jyly Óskemen pedınstıtýtynyń Saıası ekonomıka kafedrasynda oqytýshy bolyp bastaǵan. 2000 jylǵa deıin joǵarǵy oqý ornynda oqytýshy, kafedra dotsenti jáne kafedra meńgerýshisi qyzmetterin atqardy.

2000-2020 jyldary Qazaqstan Respýblıkasy Memlekettik qyzmet isteri agenttiginiń birqatar oblystardaǵy departamentteriniń basshysy bolyp jumys istedi.

Mańǵystaý oblysy ákimi apparatynyń «Jumyldyrý daıyndyǵy, aýmaqtyq qorǵanys jáne azamattyq qorǵaý basqarmasy» KMM basshysy bolyp Ǵalym Andalıev taǵaıyndaldy.

Ǵalym Meńdalyuly 1969 jyly dúnıege kelgen. Bilimi joǵary «Syzý, beıneleý óneri jáne eńbek» jáne «zańtaný» mamandyqtary boıynsha bilim alǵan.

Eńbek jolyn 1994 jyly BQO Taıpaq aýdany orta mektebinde muǵalim bolyp bastaǵan. 1999 - 2002 jyldar aralyǵynda Aqtaý qalasy men Mańǵystaý oblysy áskerı komıssarıatynda is júrgizýshi bolyp eńbek etti.

2002-2016 jyldary-Beıneý aýdandyq áskerı komıssarıatynyń bólim bastyǵy, Aqtaý qalasy qorǵanys isteri jónindegi basqarmasynyń bólim bastyǵy. Keıin Mańǵystaý oblysynyń áskerı qyzmetke qabyldaý basqarmasynyń bastyǵy qyzmetin atqardy.

Sońǵy 2 jylda Aqtaý qalasyndaǵy № 28 mektepte alǵashqy áskerı daıyndyq boıynsha pedagog, sondaı-aq Aqtaý bilim úılestirý ortalyǵynyń estetıkalyq jáne sporttyq pánder boıynsha ádiskeri bolyp jumys istedi.


Basty sózder: Taǵaıyndaý, Mańǵystaý oblysy,
Joǵary qaraı