Aýa raıy
Astana -17 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysynda bıyl 7652 adam jumysqa ornalasty

2020 jyldyń 27 qazan 2020 05:21

AQTAÝ. QazAqparat – Mańǵystaý oblysynda jyl basynan beri 7652 adam jumysqa ornalasty, dep habarlaıdy QazAqparat tilshisi.

Búgin Mańǵystaý oblysynyń ákimi Serikbaı Trumovtyń tóraǵalyǵymen apparat jınalysy ótti. Kún tártibinde eldi mekenderdi sýmen jabdyqtaý jáne sý burý máseleleri, Jumyspen qamtý jol kartasyn iske asyrý barysy, aýyl sharýashylyǵy taýaryn óndirýshilerdi kúzgi-qysqy kezeńge daıyndaý, onyń ishinde jemshópti ázirleý, «Eńbek» memlekettik baǵdarlamasynyń oryndalýy máseleleri qozǵaldy.

Jumyspen qamtý jol kartasyn iske asyrý barysy týraly Jumyspen qamtýdy úılestirý jáne áleýmettik baǵdarlamalar basqarmasynyń basshysy Shyńǵys Dúısenov aıtyp berdi.

«Oblysta jyl basynan beri 7 653 adam jumysqa ornalastyryldy. Turǵyndardy jumys oryndarymen qamtamasyz etý boıynsha birinshi orynda Mańǵystaý aýdany, sońǵy orynda – Jańaózen qalasy. Jumyspen qamtý ortalyqtary arqyly – 4965 adam eńbekke ornalasty. Kósh basynda – Beıneý aýdany, Mańǵystaý aýdany tur. Jumyspen qamtýdyń jol kartasy boıynsha 32 jobanyń 16-synda jumysqa ornalastyrý jospary oryndaldy», - dedi ol.

Sondaı-aq, jıyn barysynda qys mezgiline mal azyǵyn daıyndaý barysy týraly Aýyl sharýashylyǵy basqarma basshysynyń mindetin atqarýshy Baqtybaı Іzimtaev baıandady.

«Búginde oblys boıynsha qys mezgiline daıyndalǵan mal azyǵy 49 579 tonnany quraıdy. Onyń ishinde shóptiń kólemi – 26 686 tonna. Ólkemizde 22 brıgada arqyly daıyndalǵan shóptiń kólemi – 7100 tonna jáne ózge oblystardan tasymaldanǵan shóptiń kólemi – 19 586 tonnany quraıdy»,- dedi B. Іzimtaev.

Búginde iri sharýa qojalyqtar qorynda 4356 tonna shóp bar. Sonymen qatar, ózge oblystardan tasymaldanyp jáne óz óńirimizde daıyndalǵan jemniń kólemi barlyǵy 22 893 tonnany qurady. Jyl sońynda barlyq jem kólemi 34 000 tonna quraıtyn bolady. Osylaısha, bıylǵa qajetti jemniń jospary 117% oryndalmaq.

2020-2021 jyldary oblysty mal azyǵymen tolyqtaı qamtamasyz etý maqsatynda, «Kaspıı» ÁKK» AQ-ǵa jergilikti bıýdjetten bólingen qarajattyń negizinde 500 tonna kebek «Musa-Nan» JShS-de saqtaýly.

Sonymen qatar, apparat jınalysynda Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń oryndalý barysy aıtyldy.

Atalmysh baǵdarlamasy aıasynda shaǵyn qalalar men aýyldyq eldi mekenderde kásipkerlikti, onyń ishinde aýyl sharýashylyǵy salasyn damytý maqsatynda 2020 jylǵa shaǵyn nesıe berýge 1 202 396,0 myń teńge qarjy bólindi.

Qazirgi tańda barlyq bólingen qarjy boıynsha 1 229 396,0 myń teńgege 265 ótinim qabyldanyp, onyń ishinde 1 202 396,0 myń teńgege 259 ótinim maquldanǵan. Sonymen qatar, 5 ótinim 18 041,0 myń teńgege kelisim shart tirkelýde, 254 ótinim 1 184 355,0 myń teńgege shaǵyn nesıe berildi, 323 jumys orny ashylady.


Joǵary qaraı