Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mańǵystaý oblysynda sý tuytý qýaty 260 myń tekshe metr bolatyn 9 joba iske asady

2022 jyldyń 25 qańtar 2022 10:16

NUR-SULTAN. QazAqparat – Mańǵystaý oblysynda sý tuytý qýaty 260 myń tekshe metr bolatyn 9 joba iske asady. Bul týraly búgin Úkimet otyrysynda atalǵan óńirdi damytýdyń ózektendirilgen keshendi jospary týraly baıandaǵan oblys ákimi Nurlan Noǵaev aıtty, dep habarlaıdy QazAqparat tilshisi.

«Demografııanyń ósý úrdisi qoljetimdi baspanamen qamtý jáne óńirdiń ınfraqurylymyn damytýǵa erekshe nazar aýdarýdy talap etedi. Bul maqsatta turǵyn úı salý, joldardyń sapasyn jaqsartý, gazben, elektrmen, jylýmen jabdyqtaý obektilerin salý jáne rekonstrýktsııalaý sharalary júrgiziledi. Sonymen qatar, óńir úshin eń mańyzdy másele – aýyz sý tapshylyǵyn kezeń-kezeńimen sheshý úshin keshendi josparda jalpy sý tuytý qýaty 260 myń tekshe metrdi quraıtyn 9 jobany jáne 12 aýyldyq eldi mekendi aýyz sýmen qamtý júzege asyrylatyn bolady», - dedi Nurlan Noǵaev.

Onyń atap ótýinshe, keshendi jospardy ózektendirý aıasynda osy jyly aýyz sýmen qamtamasyz etýde ónimdiligi táýligine 24 myń tekshe metr «MAEK-Qazatomónerkásip» sý tuytý qondyrǵylaryn salý jumystary bastalady.

«Buǵan qosa, 5 jańa shaǵyn aýdandy ınjenerlik-ınfraqurylymmen qamtýǵa, qalalyq joldar sapasyn arttyrý aıasynda qosymsha 8,5 shaqyrym joldy salýǵa múmkindik bolady», - dedi oblys ákimi.


Joǵary qaraı