Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysynda sý tushytý zaýytynyń qurylysy bastalady

2021 jyldyń 13 qyrkúıek 2021 17:15

AQTAÝ. QazAqparat - Mańǵystaý oblysynyń ákimi Nurlan Noǵaev apparattyq jıyn barysynda halyqty aýyzsýmen úzdiksiz qamtamasyz etýge baǵyttalǵan jobalardy iske asyrýdy jedeldetýdi tapsyrdy, dep habarlaıdy QazAqparat tilshisi.

Bul týraly Mańǵystaý oblysy ákiminiń baspasóz qyzmeti málim etti.

Nurlan Noǵaev Memleket basshysynyń Joldaýynda aıtylǵan ózekti máselelerdiń biri eldi mekenderdi aýyz sýmen qamtamasyz etý ekenin atap ótti.

«Oblysta aımaqty sýmen qamtýǵa baǵyttalǵan baǵdarlama bar, alaıda biz onyń nátıjesin kútip otyra bermeı, ózekti máselelerdi sheshýdiń qosymsha joldaryn izdeýimiz kerek. Bizge Aqtaý qalasynyń aýmaǵynan sý tushytatyn zaýyt qurylysyna óz qarajatyn salýǵa daıyn ınvestorlar habarlasty. Biz mundaı bastamalardy tolyq qoldaımyz»,- Nurlan Noǵaev jıyn barysynda.

Jańa zaýyttyń josparlanǵan qýaty 20 myń tekshe metrden astam. Oblys ákimi keler jyldyń jazynda alǵashqy kezeńi aıaqtalatyn zaýyt qurylysyn Aqtaý qalasynyń ákimine jeke baqylaýyna alýdy tapsyrdy. Birinshi kezeńinde táýligine 5 myń tekshe metr sý tushytylmaq.


Joǵary qaraı