Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysynda jyl basynan beri 11 adam sýǵa ketken

2021 jyldyń 24 qyrkúıek 2021 15:29

AQTAÝ. QazAqparat - Mańǵystaý oblysynda jyl basynan beri 11 adam sýǵa ketken, dep habarlaıdy QazAqparat tilshisi.

Bul týraly qoǵamdyq kommýnıkatsııalar ortalyǵynda ótken brıfıngide QR TJM Mańǵystaý oblysy Tótenshe jaǵdaılar departamenti bastyǵynyń orynbasary Bekbolat Ábdiqadyrov málim etti.

«Bıyl 11 adam sýǵa ketti. Tirkelgen 11 faktiniń 4-ýi tyıym salynǵan jerlerde bolsa, 6-ýy sýǵa shomylý úshin jabdyqtalmaǵan aımaqta bolǵan. Taǵy 1 sýǵa ketý faktisi shomylýǵa ruqsat etilgen «Samal» demalys bazasynyń aımaǵynda bolǵan. Sonymen qosa sýǵa ketken 1 bala jáne 19 eresek qutqaryldy»,-dedi Bekbolat Ábdiqadyrov.

Departament málimetinshe, ótken jyly 9 adam sýǵa ketken. Oqys oqıǵalardyń basym kópshiligine azamattardyń sýdaǵy qaýipsizdik sharalaryn saqtamaı, tyıym salynǵan jerlerde shomylýy sebep bolyp otyr.

Turǵyndardyń qaýipsizdigin qamtamasyz etý maqsatynda Mańǵystaý oblysy Tótenshe jaǵdaılar departamentiniń kúshteri, quqyq qorǵaý jáne jergilikti atqarýshy organdar jumyldyrylǵan.

Oblys boıynsha bıyl shomylý maýsymynda barlyǵy 654 reıd júrgizilip, 154 myńnan astam dana úgit ónimi taratyldy. Sonymen qatar úgit-nasıhat jumystaryn júrgizýge Halyqty jumyspen qamtý ortalyǵynan 30 erikti tartylǵan.

Eske sala keteıik, buǵan deıin habarlaǵanymyzdaı Mańǵystaýda 49 jastaǵy er adam sýǵa ketti.


Joǵary qaraı