Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysynyń Ázerbaıjanmen syrtqy saýda aınalymy 23,7 mln dollardy qurady

2021 jyldyń 20 qyrkúıek 2021 21:59

AQTAÝ. QazAqparat - Jyl basynan beri Mańǵystaý oblysy men Ázerbaıjan Respýblıkasy arasynda syrtqy saýda aınalym 23,7 mln. AQSh dollaryn qurady, dep habarlaıdy QazAqparat tilshisi.

Mańǵystaý oblysynyń ákimi Nurlan Noǵaev Ázerbaıjan Respýblıkasynyń Aqtaý qalasyndaǵy Bas konsýly Elmar Mammadov Ragım oglyny qabyldady, dep habarlaıdy Mańǵystaý oblysy ákiminiń baspasóz qyzmeti.

Ekijaqty kezdesýde Mańǵystaý oblysy men Ázerbaıjan Respýblıkasynyń arasyndaǵy ekonomıkalyq baılanystardy odan ári nyǵaıtý, óńir aralyq kásipkerlikti damytýdyń ınvestıtsııalyq múmkindikteri men perspektıvalary talqylandy.

Ázerbaıjan Respýblıkasy Mańǵystaý oblysynyń syrtqy saýda baılanystarynda mańyzdy ról atqarady. 2021 jyldyń qańtar-shildesinde syrtqy saýda aınalymy 23,7 mln. AQSh dollaryn qurady, bul ótken jyldyń osy kezeńimen salystyrǵanda 26,7% - ǵa artqandyǵyn kórsetedi.

Osy jyldyń qańtar-shilde aralyǵynda Mańǵystaý oblysynyń Ázerbaıjanǵa eksporty 19,8 mln AQSh dollaryn qurady.

Mańǵystaý oblysynyń aýmaǵynda Ázerbaıjan kapıtalynyń qatysýymen turǵyn úı qurylysy, ózde de qurylys -montaj jumystary, tehnıkalyq synaqtar men taldaýlar júrgizetin qyzmet, daıyn tamaq ónimderi syndy 212 kásiporyn tirkelgen.

Búginde Aqtaý men Baký áýe, temirjol, avtomobıl jáne teńiz kóligi bir jerge shoǵyrlanǵan iri kólik-logıstıkalyq ortalyǵyna aınaldy.

Jıyn sońynda eki tarap birlesken jobalardy júzege asyrý jáne ekijaqty qarym-qatynasty damytýdyń jańa formalaryn izdestirý týraly sheshimge keldi.


Avtor Qarakóz Marat
Basty sózder: Mańǵystaý oblysy, Ekonomıka,
Joǵary qaraı