Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda 300-ge jýyq saılaýshy barlyq kandıdatqa qarsy daýys bergen

2021 jyldyń 26 shilde 2021 18:08

AQTAÝ. QazAqparat - 25 shildede Beıneý, Qaraqııa, Mańǵystaý jáne Túpqaraǵan aýdandarynda 10 saılaý okrýgtiń aýmaǵynda aýyl men aýyldyq okrýg ákimderiniń saılaýy ótti, dep habarlaıdy QazAqparat tilshisi.

Bul týraly Mańǵystaý oblystyq saılaý komıssııasynyń tóraǵasy málim etti.

Asqar Rzahanovnyń aıtýynsha, 10 okrýg boıynsha saılaýshylar tizimine 14 144 adam engizilgen.

Saılaý kúni 11 650 adam saılaýǵa qatysty, ıaǵnı bul - saılaýshylardyń jalpy sanynyń 82,4%.

Beıneý aýdanynda saılaýshylardyń 87,27%, Qaraqııa aýdanynda - 84,7%, Mańǵystaý aýdanynda - 85,4%, Túpqaraǵan aýdanynda - 78,5% daýys berdi.

Saılaý bıýlletenderge 25 úmitker engizildi. Sonyń ishinde bes saılaý okrýginde - 2 kandıdattan, bes saılaý okrýginde - 3 kandıdattan.

Saılanǵan ákimderdiń ortasha jasy - 41,5. Eń kishisi - 26 jasta, eń úlkeni - 60 jasta.

Saılanǵan 10 ákimniń jeteýi - memlekettik qyzmetker. Onyń ishinde 2 ákim naqty aýyldyq okrýgte qaıta saılandy.

Ótken saılaýdyń basty ereksheligi - bıýlletende «barlyǵyna qarsymyn» degen baǵannyń bolýy.

Saılaýshylar arasynda 279 adam bárine qarsy daýys berdi.

Daýys berý kúni saılaý komıssııalaryna eshqandaı ótinish pen shaǵym kelip túsken joq.


Joǵary qaraı