Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda ekinshi ret toı jasaǵan meıramhanalar múldem jabylýy múmkin

2020 jyldyń 27 qazan 2020 16:36

AQTAÝ. QazAqparat - Aldaǵy ýaqytta karantın talaptaryn buzyp, bir ret aıyppul tólese de, taǵy da kópshilikti jınaǵan kásipkerler sottyń sheshimimen meıramhanany múlde jabýy múmkin, dep habarlaıdy QazAqparat tilshisi Mańǵystaý oblysynyń qoǵamdyq kommýnıkatsııa ortalyǵyna silteme jasap.

Mańǵystaý oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentinin basshysy Ǵazız Nadýevtyń málimetinshe, vedomstvoaralyq komıssııa otyrysynda karantın talaptaryn buzǵan toıhana, kafe ıelerine qatysty zań jobasyn ázirleý týraly bastama kóterilgen.

Oǵan sebep - keı óńirlerde otbasylyq merekeler uıymdastyryp ákimshilik sharaǵa tartylǵan kásipkerler taǵy da karantın talaptaryn saqtamaı birneshe ret toı jasaý derekteri tirkelgen.

Mańǵystaý oblysynyń bas sanıtar dárigeriniń aıtýynsha, óńirde sońǵy 20 kúnde 27 karantın talabyn buzý deregi anyqtaldy.

«Reıd barysynda 108 nysanda zańbuzýshylyq anyqtalyp, 57 (12 jeke kásipker, 44 jeke tulǵa, 1 zańdy tulǵa) ákimshilik hattama (5 mln 972 700 teńge) toltyryldy. Aldaǵy ýaqytta karantın talaptaryn buzyp, bir ret aıyppul tólese de, taǵy da kópshilikti jınaǵan kásipkerler sottyń sheshimimen meıramhanany múlde jabýy múmkin. Vedomstvoaralyq komıssııa otyrysynda karantın talaptaryn buzǵan toıhana, kafe ıelerine qatysty zań jobasyn ázirleý týraly bastama kóterildi. Oǵan sebep, keı óńirlerde otbasylyq merekeler uıymdastyrypákimshilik sharaǵa tartylǵan kásipkerler taǵy da karantın talaptaryn saqtamaı birneshe ret toı jasaý derekteri tirkelgen», - dedi ol.

Al, 1 tamyzdan bastap koronavırýs pnevmonııasymen aýyrǵan 230 naýqas tirkeldi. Sonyń ishinde 81-i - jasy 60-tan asqan turǵyndar.

«230 naýqastyń ishinde 81-i - 60-tan asqan adamdar. Bul – basqa jas kategorııalarmen salystyrǵanda óte joǵary kórsetkish. Onyń barlyǵy qazirgi tańda jasyryn túrde toı, sadaqa uıymdastyryp, oǵan barýdyń saldarynan týyndap otyr. Óıtkeni otbasylyq sharalarǵa kóbine-kóp úlken jastaǵy adamdar qatysady», - dedi Ǵ. Nadýev.

6 qazannan bastap, Ózbekstan Respýblıkasymen shekarada ornalasqan «Tájen» avtomobıl ótkizý pýnkti arqyly 3401 avtokólik jáne jaıaý jolaýshylar kirdi. Onyń ishinde: tranzıttik avtokólikter - 3130, Qazaqstan Respýblıkasyna 216 avtokólik, 52 jolaýshy (20 jolaýshy PTR analızsiz, al 32 jolaýshy - PTR analızimen), 4 tranzıttik jolaýshy ótti.

Tekserilgen 20 azamattyń ishinen 2 oń nátıje anyqtaldy. Ekeýi de shaǵymsyz túrimen anyqtalýyna baılanysty úı karantınine alyndy.

Aqtaý halyqaralyq áýejaıy arqyly shet elderden 743 jolaýshy ushyp kelse, onyń ishinde 64 jolaýshy PTR analızi bolmaýyna baılanysty 2 kúnge statsıonarǵa jatqyzylyp, koronavırýs ınfektsııasyna PTR test tapsyrdy.

Test qorytyndysy boıynsha olardyń vırýs juqtyrmaǵany belgili boldy.


Joǵary qaraı