Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda kólik qaqqan jaıaý júrginshi oqıǵa ornynda mert boldy

2021 jyldyń 20 qazan 2021 12:38

AQTAÝ. QazAqparat – Mańǵystaýda joldyń tyıym salynǵan jerin kesip ótpek bolǵan jaıaý júrginshini kólik qaǵyp ketti, dep habarlaıdy QazAqparat.

Mańǵystaý oblystyq Polıtsııa departamenti baspasóz qyzmetiniń habarlaýynsha, qaıǵyly oqıǵa keshe túnde Munaıly aýdanynda bolǵan.

Munaıly aýdandyq polıtsııa bóliminiń kezekshi operatorynyń pýltine shaqyrtý saǵat 21:40-ta túsken. Yntymaq kentinde «Iznýr» janarmaı beketine qarama-qarsy jerde «Audi C4» avtokóliginiń júrgizýshisi jaıaý júrginshiler ótkelinen tys joldy kesip ótken jaıaý júrginshini qaǵyp ketken.

«Jol-kólik oqıǵasy saldarynan 59 jastaǵy er adam oqıǵa ornynda alǵan jaraqatynan kóz jumdy. Tergeý amaldary júrip jatyr», - dep habarlady oblystyq Polıtsııa departamentiniń baspasóz qyzmeti.

Qazir avtokólik aıyp turaǵyna qamaldy.

Aıta keteıik, buǵan deıin Mańǵystaýda kólik túıemen soqtyǵysyp, bir adam qaza tapqanyn habarlaǵan bolatynbyz. Qaıǵyly oqıǵa «Beıneý-Boranqul» tasjolynda bolǵan.

Avtor Qarakóz Marat
Basty sózder: Oqıǵa, Kólik, Mańǵystaý oblysy,
Joǵary qaraı