Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda maldyń qysqy jem-shóbi qalaı ázirlenip jatyr

2021 jyldyń 25 qarasha 2021 16:42

NUR-SULTAN. QazAqparat – Mańǵystaý oblysynda qysqy mal azyǵy úshin 77 myń tonna shóp pen 53 myń tonna jem qajet jáne onyń basym bóligi jetkizildi. Bul týraly Ortalyq kommýnıkatsııalar qyzmetinde ótken brıfıngide óńir ákimi Nurlan Noǵaev baıandady, dep habarlaıdy QazAqparat.

«Óńirde qalyptasqan aýa-raıynyń qolaısyzdyǵyna baılanysty tórt túlikti jem-shóppen qamtý máselesi týyndady. Oblys boıynsha qys mezgilinen ótý úshin – 77 myń tonna shóp jáne 53 myń tonna jem daıyndaý qajet. Qazirgi ýaqytta 70 myń tonna shóp jáne 41 myń tonna jem basqa óńirlerden jetkizildi», - dedi N. Noǵaev Ortalyq kommýnıkatsııalar qyzmetinde ótken brıfıngte.

Úkimet rezervinen analyq mal basy úshin azyqqa jumsalǵan shyǵyndardy óteýge 1,9 mlrd teńge qarajat bólingen. Qazir onyń 1,2 mlrd teńgesi ıgerildi. ıAǵnı, iri qara mal basyna 9200 teńge, usaq malǵa – 1900 teńgeden tólem óteýsiz berilgen.




«Prezıdenttiń tapsyrmasyna sáıkes, Úkimettiń qoldaýymen «Qazaqstan Temir Joly» ulttyq kompanııasy arqyly jem-shópti tasymaldaý qunyna 75 paıyz jeńildik berildi. Atalǵan temirjol tarıfi jyl sońyna deıin uzartyldy. Sonyń nátıjesinde oblysqa jem-shóp jetkizý 800 mln teńge ornyna 153 mln teńge tólep otyrmyz. Jáne basqa óńirlerden 3 myń tonnadan astam jem-shóp tegin jetkizildi, ony jeke sharýshylyqtarǵa, muqtaj azamattarǵa taratyp berip otyrmyz», - dedi N. Noǵaev.





Joǵary qaraı