Aýa raıy
Astana -11 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda sý tushytatyn zaýyt iske qosylady

2020 jyldyń 29 qazan 2020 22:30

AQTAÝ. QazAqparat - Mańǵystaý oblysyndaǵy Qarajanbas ken ornynda sý tushytatyn zaýyt salynyp jatyr. Nysan keler jyldyń birinshi toqsanynda iske qosylady dep josparlanǵan. Joba iske assa, kompanııa munaı shyǵarý úshin, óńdelgen jerasty sýyn paıdalanady, dep habarlaıdy QazAqparat tilshisi.

Al, qazir qoldanyp otyrǵan Edil ózeninen keletin sý óńir turǵyndarynyń paıdalanýyna beriledi. Bul aımaqtaǵy sý tapshylyǵyn azaıtýǵa septigin tıgizedi.

Ken orny «Astrahan-Mańǵystaý» sý qubyrynan táýligine 17 myń jarym tekshe metr sý alady. Jerasty nárin tushytatyn zaýyt salý osy táýeldilikten bosatyp qana qoımaı, birqatar tehnologııalyq máselelerdi de sheshedi.








Sondaı-aq uńǵymalardy kúrdeli jáne jerasty jóndeýdi azaıtý, grıfondardyń paıda bolýyn shekteý kún tártibinde tur.

«Tuy sýdy alamyz da, býǵa aınaldyramyz. Býdy jerge aıdaıdy da, sol kezde munaıdy shyǵaramyz. Munaımen birge shyǵatyn sýdy «popýtnyı» sý deıdi ǵoı. Endi sony tazartyp, tushytý kerek. Sol úshin osyndaı erekshe zaýytty salyp jatyrmyz. Jospar boıynsha munda 54 adam jumys isteıdi», - deıdi qurylys jumystaryn qadaǵalaý ınjeneri Meıirbek Otarov.





















Joǵary qaraı