Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda túrli etnostardyń memlekettik tilge degen qyzyǵýshylyǵy artyp keledi

2021 jyldyń 1 jeltoqsan 2021 11:58

NUR-SULTAN. QazAqparat - Óńir basshysy Nurlan Noǵaevtyń tóraǵalyǵymen Mańǵystaý oblysy Qazaqstan halqy Assambleıasy keńesiniń otyrysy ótti, dep habarlaıdy Mańǵystaý oblysy ákiminiń baspasóz qyzmeti.

QR Tuńǵysh Prezıdenti kúni jáne Táýelsizdiktiń 30 jyldyǵy qarsańynda ótken sharada Nurlan Noǵaev mańǵystaýlyqtarǵa jyly lebizin bildirip, atalǵan merekeniń mańyzdylyǵyn atap ótti.

Jıynǵa qatysýshylar oblystyq assambleıa janyndaǵy analar keńesi men ardagerler keńesiniń jumystary jaıynda baıandady. Budan bólek, jastar jáne stýdenttik uıymdardyń atqarǵan jumysy týraly aıtyldy.

Búginde óńirdegi túrli etnostardyń memlekettik tilge degen qyzyǵýshylyǵy artyp keledi. Jýyrda ashylǵan «Mámile» til úırenýshiler klýbyna az ýaqyt ishinde 100-den asa Assambleıa múshesi jazylǵan.

«Memlekettik tildi jetik bilmeı alǵa jyljý múmkin emes ekendigin túsinip, qazaq tilin úırene bastadym. Onsyz bolashaq joq. Til meńgerý asa qıyn emes eken. Adam balasy alǵa maqsat qoıa bilse alynbaıtyn qamal joq», - dedi oblystyq Qazaqstan halqy Assambleıasy tóraǵasynyń qoǵamdyq orynbasary Irına Belıaeva.

Aımaq basshysy Nurlan Noǵaev keńes múshelerin qazaq tiliniń etnosaralyq kommýnıkatsııa tili retindegi mártebesin nyǵaıtýǵa, qoldanysyn keńeıtýge shaqyrdy.

«Til úırengende, aldymen, grammatıkany emes, aýyzeki túrde sóıleýdi meńgerý qajet. Qazaq tilin endi úırene bastaǵandarǵa kúlmeı, barynsha qoldaý kórsetýge daǵdylanaıyq. Sonda ǵana qazaq tilinde sóıleıtin azamattardyń sany artady», - dedi Nurlan Noǵaev.

Jıyn sońynda oblys ákimi Assambleıa múshelerine QR Prezıdenti Ákimshiliginiń Qazaqstan halqy Assambleıasy hatshylyǵynyń atynan Alǵys hat tabystap, shyǵarmashylyq tabys tiledi.





Basty sózder: Til, Mańǵystaý oblysy, Qoǵam,
Joǵary qaraı