Aýa raıy
Astana 0 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýdaǵy aýyl mektebindegi jylyjaıda palma aǵashy, qııar men tátti burysh ósedi

2020 jyldyń 29 qyrkúıek 2020 14:14

AQTAÝ. QazAqparat – Mańǵystaýdaǵy Ótes orta mektebindegi jylyjaıda 74 túrli tropıkalyq ósimdik bar, dep habarlaıdy QazAqparat tilshisi.

Jylyjaıda palma aǵashy, qııar men tátti burysh ósedi.

Qoǵamdyq kommýnıkatsııa ortalyǵynyń málimetinshe, karantınge deıin munda ósken qııar men tátti bolgar buryshyn ashanada oqýshylarǵa beriletin taǵamdarǵa paıdalanǵan.

«Mańǵystaýda óspeıtin tropıkalyq ósimdikterdiń túr-túri osy jylyjaıdan kezdesedi. Bulardyń paıdasy las aýany soryp, ottegi bólip shyǵarady. Mundaǵy tátti bolgar buryshy da, erekshe gúlder de, tropıkalyq elde ósetin palma aǵashyn Mańǵystaýdan kórýdiń ózi qyzyq. Ósimdikterdi baptap olarǵa kútim jasaýǵa, shákirtterine qundy aqparat berip, qupııasyn ashýǵa tárbıelegen mektep ustazdarynyń eńbegi eren. Túrli gúlderdi ósirý arqyly aýyl balalarynyń ekologııa mádenıetin qalyptastyrýǵa tıgizer septigi mol», - dedi Saıótes orta mektebi dırektorynyń mindetin atqarýshy Gúlsim Nádirova.

Jylyjaı 2007 jyly mektep janynan ashylǵan. Ony mekteptiń muǵalimi men oqýshylary tamshylatyp sýarý ádisi arqyly baptap, kútedi. Oqýshylar jylyjaı ishinde túrli ǵylymı jumys júrgizedi.














Avtor Qarakóz Marat
Basty sózder: Bilim, Qoǵam, Mańǵystaý oblysy,
Joǵary qaraı