Aýa raıy
Astana 27 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Mańǵystaýǵa Reseıden bir top dáriger kómekke keldi

2020 jyldyń 11 shilde 2020 18:30

AQTAÝ. QazAqparat - Búgin tańda reseılik 9 dáriger mingen ushaq Aqtaý áýejaıyna qondy. Barlyǵy da bilikti medıtsına qyzmetkerleri, dep habarlaıdy QazAqparat tilshisi.

Búginde Mańǵystaýda medıtsına qyzmetkerleriniń jumys kólemi eki esege artqan. Dárigerler naýqastardyń ómiri úshin kún-tún demeı aıanbaı kúresýde. Alaıda, syrqattanýshylardyń kóbeıýine baılanysty óńirde mamandarynyń jetispeýshiligi baıqaldy. Reanımatolog, ınfektsıonıst, terapev jáne jalpy tájirıbe dárigerleri tapshy. Oblys ákimi Serikbaı Trumovtyń tikeleı aralasýymen atalǵan mamandardy oblysqa aldyrý boıynsha jumystar bastalyp ketti. Búgin tańda reseılik 9 dáriger mingen ushaq Aqtaý áýejaıyna qondy. Olardyń barlyǵy bilikti medıtsına qyzmetkerleri.

Mańǵystaý oblystyq qoǵamdyq kommýnıkatsııa ortalyǵynyń habarlaýynsha, olar:

1. Karına Dvornıtsyna, ınfektsıonıst dáriger, koronavırýs indetimen kúresýshi toptyń basshysy bolǵan, tájirıbesi bar.

2. Artýr Oganısıan, densaýly saqtaý salasyn uıymdastyrýshy dáriger, koronavırýs indetimen kúresýshi toptyń basshysy bolǵan, tájirıbesi bar.

3. Igor Shengıreev, nevrolog, antıkoagýlıanttar jáne t.b. dári-dármek mólsherin anyqtaýmen aınalysýshy maman.

4. Darıa Zaharova, pedıatr, kardıolog, koronavırýs indetimen kúresýde tájirıbesi bar.

5. Azat ıAmaltdınov, pýlmonolog, rentgenolog, ftızıatr dáriger.

6. Valentına Kochergına, reanımatolog, koronavırýs indetimen kúresýde tájirıbesi bar.

7. Inna Fedorenko, terapevt, kardıolog, koronavırýs indetimen kúresýde tájirıbesi bar dáriger.

8. Lev Zaharov, kovıd juqtyrǵan naýqastardy bosandyryp alýda tájirıbesi bar akýsher.

9. Olga Sýkovatıtsına, feldsher, kovıd juqtyrǵan naýqastardy emdeýde tájirıbesi bar dáriger.

Máskeýden kelgen medıtsına qyzmetkerleri aýrýhanalarǵa bólinip, jumystaryna kirisip ketti.

Aıta keteıik, atalǵan dárigerler oblys ákimdigi usynǵan charterlik reıspen ushyp keldi. Bul iske «MańǵystaýMunaıGaz» kompanııasy demeýshilik jasady.


Joǵary qaraı