Aýa raıy
Astana 0 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýlyq dárigerler basyna oq tıgen sarbazdyń jaǵdaıyn aıtty

2020 jyldyń 28 qyrkúıek 2020 18:40

AQTAÝ. QazAqparat – Mańǵystaýlyq dárigerler basyna oq tıgen sarbazdyń jaǵdaıy týraly aıtty, dep habarlaıdy QazAqparat tilshisi.

Mańǵystaý oblystyq Densaýlyq saqtaý basqarmasynan málim etkendeı, 30502 áskerı bóliminde Otan aldyndaǵy boryshyn ótep júrgen 19 jastaǵy sarbazdyń qazir jaǵdaıy turaqty. Dárigerler ony aýrýhanadan shyǵarýǵa daıyndap jatyr.

Eske salsaq, oqıǵa 24 qyrkúıek kúni saǵat 17:30 shamasynda boldy. Oq jaraqatyn alǵan sarbaz áskerı bólimnen jedel túrde oblystyq aýrýhanaǵa jetkizildi. Medıtsınalyq ortalyqqa túsken kezde esin joǵaltpaǵan, biraq jaǵdaıy ortasha aýyr bolǵan.

Mańǵystaý oblystyq aýrýhanasy neırohırýrgııa bóliminiń meńgerýshisi Gelman Chagaıdyń aıtýynsha, oq sarbazdyń basyna tıgen. Alaıda, bas súıegin zaqymdamaǵan.

«Naýqasty dereý operatsııa bólmesine jiberdik. Operatsııa sátti ótti. Oq alynyp, saraptamaǵa jiberildi. Qazirgi ýaqytta naýqastyń ómirine qaýip tónip turǵan joq. Esin biledi, sóıleıdi», - dedi neırohırýrgııa bóliminiń basshysy.

Sarbaz dárigerlerge oq qyzmette júrgen kezinde tıgenin aıtqan.

«Sarbazdyń sózinshe, ol oqtyń qalaı tıgenin túsinbeı qalǵan. Oq tıgen sátte esinen tanyp qalǵan. Keıin aýrýhanaǵa ákelgen», - dedi Gelman Chagaı.

Dárigerler naýqasty aptanyń sońyna deıin aýrýhanadan shyǵarýdy josparlap otyr.


Avtor Qarakóz Marat
Basty sózder: Aımaq, Mańǵystaý oblysy, Oqıǵa,
Joǵary qaraı