Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýlyq kópbalaly kelinshek kúnine 2 myń kir sabyn jasaıdy

2020 jyldyń 23 qazan 2020 02:10

AQTAÝ. QazAqparat - Mańǵystaýlyq kelinshek kishigirim tsehta kúnine 2 myńǵa jýyq kir sabyn jasap otyr, dep habarlaıdy QazAqparat tilshisi.

Munaıly aýdany ákimdiginiń baspasóz qyzmetinen málim etkendeı, 29 jastaǵy kópbalaly ana Gúlzııa Qoılyǵulova Mańǵystaý-1 aýylynyń turǵyny. Ol Nátıjeli jumyspen qamtýdy jáne jappaı kásipkerlikti damytý baǵdarlamasynyń Bıznes ıdeıany iske asyrý baǵyty boıynsha oqýǵa qatysady. Basynda Gúlzııa balalarǵa arnalǵan attraktsıon ashýdy josparlaǵan. Alaıda, oqý barysynda marketıngilik taldaý, suranys degen uǵymdardy úırenip, oıyn ózgertedi. Naryqty zertteı otyryp, suranysqa ıe kir sabyn jasaý bıznesine toqtalǵan.

Qajetti qural-jabdyqtaryn alyp, sabyndy shyǵaratyn jáne kesetin qurylǵylaryn satyp alady. Búginde Gúlzııa Atameken aýylynda ornalasqan kishigirim tsehta kúnine 2 myńǵa jýyq sabyn shyǵaryp otyr. Daıyn ónimderin aýdannyń ortalyq bazaryna, qala sýpermarketterine jetkizedi.

«Meniń bir aıdaǵy taza tabysym 100 myń teńgege deıin jetedi. Endigi jospar - kir sabyndy keptiretin jáne syrtyn qaptap shyǵaratyn qurylǵylardy alý. «Bastaý Bıznes» jobasy arqyly osyndaı erekshe kásiptiń ashylýyna septigin tıgizgenine rıza bolamyn. Bilikti mamandarymyzdyń kásiptiń negizderine úıretip, baǵyt bergeni qýantady»,- dedi Gúlzııa Qoılyǵulova.



















Joǵary qaraı