Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýlyq jas sheber at ábzelderin jasaıdy

2021 jyldyń 19 maýsym 2021 20:00

AQTAÝ. QazAqparat - Mańǵystaý oblysyndaǵy Sam aýylynda turatyn 22 jastaǵy Qarshyǵa Dálýbekuly ǵasyrlar boıy qalyptasqan qolónerdi damytyp jatyr, dep habarlaıdy QazAqparat tilshisi.

Búginde Qarshyǵa Dálýbekulynyń qolynan shyqqan buıymdarǵa suranys joǵary.

Sheber bala kezinde atasynan at ábzelderin jasaýdy úırenipti. Er toqym, jeldik, terlik, tartpa men attyń tuıaqtyǵyn dızaınmen jarasymdy etip jasaıdy.





«Atamnyń aǵash sandyqtan bastap ártúrli buıym jasaǵanyn, al naǵashy atamnyń kórikpen qyryqtyq soqqanyna qyzyǵatyn edim. Er-turmannyń jabdyqtaryn ózim qoldan jasaımyn. Osy ýaqytqa deıin 20-ǵa jýyq qazaq erin jasap shyǵardym. Qazir túlki terisin ılep, bórik tigýdi bastadym»,- deıdi Qarshyǵa Dálýbekuly.

Jas sheber aldaǵy ýaqytta «Eńbek» memlekettik baǵdarlamasy aıasynda memleke ttik qoldaý sharalaryna qatysyp, kásibin keńeıtýdi josparlap otyr.





Joǵary qaraı