Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Marat Báshimov: Ólim jazasy ­­­­- ómir boıy bas bostandyǵynan aıyrýdan jeńil jaza

2016 jyldyń 2 qarasha 2016 13:05

ASTANA. QazAqparat - Ómir boıy bas bostandyǵynan aıyrý jazasy - ólim jazasyna qaraǵanda, áldeqaıda aýyr jaza, deıdi QazAqparat tilshisimen áńgimelesken Eýropalyq quqyq jáne adam quqyqtary sarapshylar ınstıtýtynyń dırektory Marat Báshimov.

«Qazir qoǵam ólim jazasyn qaıta engizý kerek degen máseleni qyzý talqylap jatyr. ıAǵnı, qoǵam únin tyńdap kórsek, kóbi ólim jazasynyń moratorııin alyp tastaý kerek degen oıda. Biraq, men bul pozıtsııany qoldamaımyn, halyqaralyq sarapshy retinde bul máselege áriden baǵa bergim keledi. Jalpy, Qazaqstan nege ólim jazasyna moratorıı saldy? Sebebi, qazir AQSh-tan basqa totalıtarly elder ólim jazasyn eń aýyr jaza dep sanaıdy. Biraq, Qazaqstan kóbine Eýropany baǵytqa alyp otyr, ıaǵnı, biz Eýropanyń demokratııalyq qundylyqtaryn engizýge tyrysyp júrmiz», - deıdi M.Bashımov.

Sarapshynyń aıtýynsha, álem elderi arasynda ólim jazasyn qoldaıtyn da elder bar, biraq, jyl sanap bundaı pozıtsııa ustanǵan elderdiń qatary azaıyp keledi.

«Bul máselege kelgende álem elderi ekige bólinip ketti deýge bolady: BUU-ǵa múshe 200 eldiń jartysy ólim jazasyn qoldasa, jartysy oǵan qarsy. Sondyqtan, Qazaqstanǵa toqtalsaq, bizdiń elimiz ólim jazasyna moratorıı saqtalsyn degen pozıtsııany ustanyp otyr. Sebebi, qazir biz ólim jazasyna salynǵan moratorııdi alyp tastap, ólim jazasyn qaıta engizsek, demokratııaly Qazaqstandy emes, ózi kelisken halyqaralyq talaptardy oryndamaı otyrǵan Qazaqstandy talqylaı bastaıdy. Batys adam quqyǵyn qatty qurmetteıdi. Saıyp kelgende, ómir boıy bostandyǵynan aıyrylý - ólim jazasynan qaraǵanda áldeqaıda aýyr jaza», - deıdi zańger.

Aıta keteıik, búgin Almatydaǵy LA 155/18 tergeý abaqtysynda Almaty qalasy qylmystyq ister jónindegi mamandandyrylǵan aýdanaralyq sotynyń sýdıasy Erlan Bolatov Almatyda terakt uıymdastyryp, 10 adamnyń ómirin qıǵan Rýslan Kúlekbaevqa qatysty sot úkimin oqydy.

QR Qylmystyq kodeksiniń (QR QK) 255-baby, 4-tarmaǵy (lańkestik akt), 99-baby, 2-tarmaǵy (eki nemese odan da kóp adamdy óltirý), 24-babynyń 3-tarmaǵy (óltirý úshin shabýyl jasaý), 192-b. 4-t. (top adamǵa qaraqshylyq shabýyl), 287-b. 4-t. (zańsyz qarý tasymaldaý), 288-b. 2-t. (qarýdy zańsyz jasaý), 291-b. 4-t. (qarý urlaý), 200-b. 4-t. (kólik urlaý), 126-b. 2-t. (adamdy zańsyz bas bostandyǵynan aıyrý) boıynsha, 58 babynyń 4-bóligin basshylyqqa ala otyryp, sýdıa ony ólim jazasyna kesti.

Al, Qazaqstanda ólim jazasyn toqtatqan moratorıı 2003 jyldyń jeltoqsan aıynda engizildi. Moratorıı merzimi sheksiz bolǵanymen, ol qajet bolǵan jaǵdaıda toqtatylady.

Prezıdent Jarlyǵy ólim jazasy taǵaıyndalǵan barlyq úkimdi toqtatqan. Alaıda, zań boıynsha sottarǵa qaraýyndaǵy iske baılanysty jaza taǵaıyndaýyna shekteý qoımaıdy. Sońǵy ret sot osydan 10 jyl buryn 2006 jyly ólim jazasy taǵaıyndalǵan.

Joǵary qaraı