Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Marat Beketaev «El tiregi» bastamashyl tobynyń nege tirkele almaı júrgenin túsindirdi

2021 jyldyń 29 jeltoqsan 2021 14:15

NUR-SULTAN. QazAqparat –QR Ádilet mınıstri Marat Beketaev «El tiregi» bastamashyl tobynyń nege tirkeýden óte almaı júrgenin aıtty, dep habarlaıdy QazAqparat tilshisi.

«Nelikten? Sebebi onyń negizgi uıymdastyrýshysy – Nurjan Áltaev. Ol birneshe ret túrli alańdarda, túrli forýmdarda ózderin tirkeýden negizsiz bas tartylǵanyn málimdedi. Munda eki máseleni atap ótý kerek. Qujattaryn qaıta-qaıta usynǵanymen, is júzinde ózgertilmegen. Qaıta-qaıta bir jıyntyqty ákele beredi. Biz anyqtap kórsetken kemshilikterdi túzetpesten 16 ret usyndy. «Nege olaı istep júr?» degen suraq týyndaıdy. Múmkin, tirkeýden óte almaı júrgen saıası qurbannyń beınesin jasaý áreketi baıqalatyn shyǵar. Qujattaryn ózgertpesten ákele bergendikten, biz ony tirkeýden bas tartatynymyzdy málimdeýge májbúrmiz», - dedi Marat Beketaev.

Mınıstr Nurjan Áltaevti jeke qabyldaǵanyn da aıtty.

«Jeke qabyldaýǵa kelgende taǵy sol shaǵymyn aıtty. Men oǵan qujattaryn retke keltirý kerek ekenin aıtyp, adamsha keńes berdim. Onyń is-áreketine baǵa bereıin dep otyrǵan joqpyn, keıbir faktilerdi aıtaıyn. Nurjan Áltaev birneshe ret alıment boıynsha boryshker bolǵan. Birneshe ret ol boryshyn sot oryndaýshy habarlaǵanda ǵana tóledi. Sońǵy ret jazda osyndaı oqıǵa boldy – shamamen 2 mln teńge tóledi. Alıment keshiktirilip ótelgendikten, ákimshilik aıyppul da tóledi. Osymen toqtaıyn», - dedi mınıstr.


Joǵary qaraı