Aýa raıy
Astana 17 °S
Almaty 22 °S
valıýta baǵamy
USD 412.55
EUR 468.66
RUB 5.79
CNY 58.80

Marat Qarabaev  Indýstrııalyq damý jáne ónerkásiptik qaýipsizdik komıtetiniń tóraǵasy bolyp taǵaıyndaldy

2020 jyldyń 13 shilde 2020 13:41

NUR-SULTAN. QazAqparat - QR ındýstrııa jáne ınfraqurylymdyq damý mınıstriniń buıryǵymen Qarabaev Marat Kárimjanuly QR Indýstrııa jáne ınfraqurylymdyq damý mınıstrliginiń Indýstrııalyq damý jáne ónerkásiptik qaýipsizdik komıtetiniń tóraǵasy qyzmetine taǵaıyndaldy. Bul týraly QazAqparat QR Premer-Mınıstriniń baspasóz qyzmetine silteme jasap habarlaıdy.

Marat Qarabaev 1987 jyly 4 shildede Ózbekstan Respýblıkasynyń Tashkent oblysynda týǵan. Tashkent avtomobıl joly ınstıtýtyn, Ýorvık ýnıversıtetin (Ulybrıtanııa), M.H. Dýlatı atyndaǵy Taraz memlekettik ýnıversıtetin bitirgen.

Eńbek jolyn 2011 jyly QR Aýyl sharýashylyǵy mınıstrliginiń Sý sharýashylyǵy komıtetiniń Sý sharýashylyǵy ımarattarynyń jelilerin paıdalaný jáne damytý basqarmasynyń sarapshysy retinde bastady.

2011 jyldan 2013 jyl aralyǵynda — QR Indýstrııa jáne jańa tehnologııalar mınıstrligi Jańa tehnologııalar jáne energııa únemdeý departamenti Servıstik ındýstrııany tehnologııalyq damytý basqarmasynyń bas sarapshysy.

2014-2015 jyldary — Ońtústik Qazaqstan oblysy, Shymkent qalasy Kásipkerlik jáne ındýstrıaldy-ınnovatsııalyq damý basqarmasy basshysynyń orynbasary.

2015-2017 jyldary — Ońtústik Qazaqstan oblysy, Shymkent qalasy Kásipkerlik jáne ındýstrıaldy-ınnovatsııalyq damý jáne týrızm basqarmasynyń basshysy.

2018-2019 jyldary — QR Tsıfrlyq damý, qorǵanys jáne aeroǵarysh ónerkásibi mınıstrliginiń Qorǵanys-ónerkásip keshenin damytý departamentiniń dırektory.

2019 jylǵy tamyzdan bastap qazirgi tańǵa deıin QR Indýstrııa jáne jańa tehnologııalar mınıstrliginiń Qorǵanys-ónerkásip keshenin damytý departamentiniń dırektory qyzmetin atqardy.

Sondaı-aq, QR ındýstrııa jáne ınfraqurylymdyq damý mınıstriniń buıryǵymen Qanat Qurmashuly Baıtov QR Indýstrııa jáne ınfraqurylymdyq damý mınıstrliginiń Indýstrııalyq damý jáne ónerkásiptik qaýipsizdik komıtetiniń tóraǵasy qyzmetinen bosatyldy.

Qanat Baıtov 1968 jyly Pavlodar oblysynda týǵan. Qaraǵandy polıtehnıkalyq ınstıtýtyn, Kókshetaý ekonomıka jáne menedjment ınstıtýtyn bitirgen.

Ár jyldary taý-ken jáne qarjy salalarynda jumys istedi.

2009-2010 jyldary — metallýrgııa jáne hımııa ónerkásibi basqarmasynyń basshysy, 2010-2011 jyldary taý-ken óndirisi ónerkásibi basqarmasyn basqardy, 2011-2014 jyldary — QR Indýstrııa jáne saýda mınıstrliginiń Ónerkásip komıtetiniń taý-ken metallýrgııa ónerkásibi basqarmasynyń basshysy boldy.

2014–2019 jyldary — QR Investıtsııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti tóraǵasynyń orynbasary.

2019 jylǵy aqpan aıynan bastap QR IIDM Indýstrııalyq damý jáne ónerkásiptik qaýipsizdik komıteti tóraǵasynyń orynbasary qyzmetin atqardy.

2019 jyly mamyr aıynda QR IIDM Indýstrııalyq damý jáne ónerkásiptik qaýipsizdik komıtetiniń tóraǵasy qyzmetine taǵaıyndalǵan.


Basty sózder: QR Úkimeti, Taǵaıyndaý,
Joǵary qaraı