Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Marat Muhamedsalıev «Samuryq-Qazyna» UÁQ» AQ  PR-qyzmetin basqaratyn boldy

2021 jyldyń 16 sáýir 2021 22:26

NUR-SULTAN. QazAqparat – Marat Muhamedsalıev «Samuryq-Qazyna» Ulttyq ál-aýqat qory Qoǵammen baılanys jáne marketıngtik kommýnıkatsııalar departamentiniń dırektory bolyp taǵaıyndaldy, dep habarlaıdy QazAqparat sknews.kz-ke silteme jasap.

Marat Muhamedsalıev 1996 jyldan bastap BAQ jáne PR salasynda jumys istegen.

Ol qazaqstandyq telekórermenderdiń kópshiligine «Habar», «Qazaqstan», «AstanaTV» telearnalarynda telejýrnalıst jáne avtorlyq baǵdarlamalar júrgizýshisi retinde keńinen tanymal boldy.

2000 jyly «KazakhOil» UMK baspasóz qyzmeti basshysynyń orynbasary, 2003 jyly «QazMunaıTeńiz» AQ, 2004-2005 jyldarda «QazMunaıGaz» Barlaý jáne óndirý» AQ Qoǵammen baılanys departamentiniń dırektory qyzmetterin atqardy.

2007 jyldan bastap kúni búginge deıin «KEGOC» AQ (2007-2013 jj.),«Samuryq-Energo» AQ (2013-2018 jj.) jáne «Halyqaralyq jasyl tehnologııalar jáne ınvestıtsııalyq jobalar ortalyǵy» KAQ (2018-2020 jj.) baspasóz hatshysy bolyp jumys istegen.

Al 2020 jylǵy qańtardan bastap «Ǵylym qory» AQ qoǵammen baılanys salasynda eńbek etti.

Ál- Farabı atyndaǵy Qazaq ulttyq ýnıversıtetiniń jýrnalıstıka fakýltetin támamdaǵan.


Basty sózder: Samuryq-Qazyna UÁQ, Taǵaıyndaý, BAQ,
Joǵary qaraı