Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Marat Sultanǵazıev salyqtyń progressıvti shkalasyna qatysty túsinik berdi

2020 jyldyń 27 qazan 2020 15:57

NUR-SULTAN. QazAqparat – QR QM Memlekettik kirister komıtetiniń tóraǵasy Marat Sultanǵazıev údemeli salyq júıesine qatysty túsinik berdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda údemeli salyq júıesine qatysty suraq qoıyldy.

«Progressıvti salyq tóleý shkalasy qabyldanǵan joq. Ony jappaı deklaratsııalaýmen baılanystyramyz. Óıtkeni úlken táýekelder bar. Eger salyqtyń mólsheri ósse, onda tólemnen jaltarý jaǵdaıy bastalýy yqtımal. Sondyqtan tıisti sheshim qabyldanǵan edi. Sáıkesinshe, aldymen jappaı deklaratsııalaýdy iske asyrý eskerilgen», - dedi M. Sultanǵazıev.

Osy oraıda ol údemeli salyq júıesin engizý merzimine qatysty toqtaldy.

«Tórt kezeńge bólingen, aldymen, memlekettik qyzmetshiler, odan keıin kvazımemlekettik sektor, bıznes ókilderi qamtylǵan. Ár kezeń saıyn taldaý júrgiziledi. Deklaratsııalaýdyń tórt kezeńi aıaqtalǵannan soń, progressıvtik shkala qarastyrylady», - dedi komıtet basshysy.

Eske sala keteıik, Memleket basshysy Qasym-Jomart Toqaev jeke tabys salyǵynyń progressıvti shkalasyn engizý máselesi boıynsha jumys júrgizý kerektigin aıtty.



Joǵary qaraı