Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Marqakól jaǵalaýynda ınspektorlar táýlik boıy kezekshilik etedi

2020 jyldyń 15 tamyz 2020 11:03

ShQO. QazAqparat – Marqakól kóliniń jaǵalaýy qorshaýǵa alyndy. Aýdanda táýlik boıy balyq ınspektorlarynyń baqylaý beketi jumys istep jatyr. «Qazavıaormanqorǵaý» qyzmetkerleriniń kómegimen jaǵdaı jerde de, áýeden de qadaǵalaıdy, dep habarlaıdy QazAqparat.

«Osyndaı qatań sharalar sońǵy statıstıkadan keıin qoldana bastaǵan. Jyl basynan beri Qazaqstannyń shyǵysynda 300-den astam brakonerlik faktisine jol berilmedi. Balyqtyń ýyldyryq shashý kezeńinde ǵana 32 ákimshilik is qozǵalǵan. Oblystyń jaǵalaýda ornalasqan birneshe aýdandarynyń turǵyndary jaýapqa tartyldy. Zańsyz balyq aýlaýshylardan 300 keliden astam balyq alyndy. Brakonerlik qyzmetten túsken shyǵyn bıylǵy jyly 4 mıllıonnan astam teńgeni quraǵan», - dep atap ótti Ekologııa, geologııa jáne tabıǵı resýrstar mınıstrliginiń baspasóz qyzmeti Telegram arnasynda.

ShQO Orman sharýashylyǵy jáne janýarlar álemi ınspektsııasynyń bas mamany Farhat Baıbazarovtyń atap ótýinshe, 68 aý men balyq aýlaıtyn 14 qural alynǵan. Marqakólde 10 beket ornatyldy.





«Onda ınspektorlar túnep, aýysym boıynsha jumys isteıdi, biz aýmaqtyq ınspektsııamen birge keste boıynsha turaqty túrde kezekshilikke shyǵyp otyramyz», - dep habarlady F.Baıbazarov.

Buǵan deıin habarlanǵandaı, Ekologııa, geologııa jáne tabıǵı resýrstar mınıstrligi Marqakól memlekettik tabıǵı qoryǵynyń aýmaǵynda 2020 jyly Brakonerlikpen kúres júrgizý boıynsha ózara árekettestik josparyn bekitti. Qazaqstan Prezıdenti Qasym-Jomart Toqaev Marqakól kólindegi jaǵdaıǵa erekshe kóńil aýdaryp otyr. Ótken jyldyń shilde aıynda ol quqyq qorǵaý organdaryna Marqakól kólinde maıqan balyǵyn zańsyz aýlaǵan uıymdasqan qylmystyq toptyń qyzmetin toqtatýdy buıyrǵan.





Joǵary qaraı