Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Maska rejımin jıi buzatyn óńirler anyqtaldy

2021 jyldyń 23 qańtar 2021 16:55

NUR-SULTAN. QazAqparat – 2020 jyly karantındi buzýdyń 27 myńnan astam faktisi anyqtaldy, dep habarlaıdy QazAqparat.

«Pandemııa, karantındik shekteýler engizý jáne sanıtarlyq talaptardy qatańdatý kezeńinde eldiń densaýlyq saqtaý júıesiniń qyzmetkerleri anyqtaǵan quqyq buzýshylyqtar sany artty. Jalpy 3,6 mlrd teńge somasyna aıyppul salý týraly qaýly shyǵaryldy, onyń ishinde quqyq buzýshylar 3 mlrd teńge tóledi. Olardyń ishinde halyqtyń sanıtarııalyq-epıdemıologııalyq salamattylyǵy salasyndaǵy talaptardy buzǵany úshin (QR ÁQBtK 425-baby) karantındik is-sharalardy buzýmen baılanysty áreketter turǵysynda 2020 jyly elde 2,2 mlrd teńge somasyna aıyppul salý týraly 27 myń qaýly shyǵaryldy. Onyń ishinde 1,4 mlrd teńge óndirilip alyndy», - delingen QR Bas prokýratýrasy Quqyqtyq statıstıka jáne arnaıy esepke alý jónindegi komıtetiniń baspasóz qyzmeti málimetinde.

Osyndaı aıyppuldardyń kópshiligi Túrkistan oblysynda (5 014), Almaty qalasynda (4775) jáne Shyǵys Qazaqstan oblysynda (1 831) salynǵan. Olardyń eń az sany: Mańǵystaý (204), Pavlodar (523) jáne Jambyl (590) oblystarynda tirkelgen.

«Maskalyq rejımdi buzǵany úshin 15 613 jeke tulǵa ákimshilik jaýapkershilikke tartyldy. Bul turǵyda Almaty qalasy (4 434), Túrkistan (4 009) jáne Shyǵys Qazaqstan (1 126) oblystary kósh bastap tur», - dep atalyp ótken habarlamada.


Joǵary qaraı