Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Maska taqpaǵan jolaýshyny Atyraý-Aqtaý áýereısinen túsirip tastady

2020 jyldyń 4 tamyz 2020 16:56

ATYRAÝ. QazAqparat – Atyraý qalasy áýejaıyndaǵy jelilik polıtsııa bólimshesine «Qazaq Air» AQ áýekompanııasynyń ókilinen «Atyraý-Aqtaý» baǵytyndaǵy ushaqqa otyrǵyzý kezinde tártip buzǵan jolaýshy anyqtalǵany týraly habarlama túsken, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.

Kóliktegi polıtsııa departamenti basshysynyń birinshi orynbasary Qalıjan Qoblandınniń habarlaýynsha, tekseris kezinde polıtseıler komandır men ekıpaj músheleriniń aıtqanyn oryndamaı, maska taǵýdan bas tartyp karantın erejesin buzǵan 60 jastaǵy Aqtóbe qalasynyń turǵynyn anyqtady.

Saraptama barysynda azamattyń ishimdik ishkeni anyqtaldy. Tártipke baǵynbaǵan jolaýshyny ushaqtan túsirip tastady.

«Tártip buzýshyǵa qatysty QR ÁQBtK- niń 440-babynyń 1-bóligi (alkogoldik ishimdikterdi ishý nemese qoǵamdyq oryndarǵa masań kúıde kelý) jáne QR ÁQBtK-niń 566-baby (ushaqta ózin-ózi ustaý erejelerin buzý) boıynsha ákimshilik hattama toltyrylyp, 8 AEK (22 224 teńge-red.) kóleminde aıyppul salyndy», - dedi polıtsııa polkovnıgi.

Sondaı-aq jolaýshyǵa qatysty QR ÁQBtK-niń 425-baby (Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha ákimshilik hattama toltyrylyp, ol Atyraý bólimshelik kóliktegi taýarlar men kórsetiletin qyzmetterdiń sapasy men qaýipsizdigin baqylaý basqarmasyna jiberildi.


Basty sózder: Atyraý oblysy, Kólik, QR ІІM,
Joǵary qaraı