Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Máskeýde jumys isteıtin azamattardyń 60 paıyzy vaktsına alýǵa mindetteldi

2021 jyldyń 16 maýsym 2021 19:09

MÁSKEÝ. TASS-QazAqparat – Máskeýdiń bas sanıtar dárigeri Elena Andreeva jumys isteıtin máskeýlikterdiń 60%-yna vaktsına saldyrýdy mindettedi. Bul týraly Máskeýlik jedel shtabtyń resmı Telegram-kanalynda jazyldy, dep habarlaıdy qazAqparat TASS agenttigine silteme jasap.

«Máskeýdiń bas sanıtar dárigeri jumys isteıtin máskeýlikterdiń 60%-yna vaktsına saldyrýdy mindettedi» delingen habarlamada.

Keıinirek jazbada áńgime saýda jáne qyzmet kórsetý salasyndaǵy qyzmetkerlerdi vaktsınaıalaý týraly bolyp jatqany naqtylandy.

Máskeýdegi Rospotrebnadzor basqarmasynyń bastyǵy qol qoıǵan qaýlyda kórsetilgendeı, mindetti vaktsınatsııa saýda, qyzmet kórsetý, qoǵamdyq tamaqtaný, turǵyn úı-kommýnaldyq sharýashylyq, kólik, bilim, densaýlyq saqtaý, áleýmettik qorǵaý, sondaı-aq sulýlyq salondary, fıtnes klýbtar, teatrlar, kınoteatrlar, kontsert zaldary jáne basqa kásiporynda jumys isteıtin qyzmetkerlerdiń 60%-yn qamtýy tıis.

Máskeýde COVID-19 aýrýyn juqtyrýshylar sanynyń ósimi qoǵamdyq kólik jolaýshylary, saýda ortalyqtary men barǵa kelýshiler arasynda baıqalady.

Qaladaǵy koronavırýsqa baılanysty epıdemıologııalyq jaǵdaı qolaısyz dep baǵalandy, delingen Máskeýdiń bas sanıtar dárigeriniń qaýlysynda.

Onda ósý qarqyny 2021jyldyń 6maýsymynan bastap, bir kúndegi ósim 11%-ǵa, al kelesi kúnderi 20%-ǵa deıin artqany kórsetilgen.

Máskeýdegi jańa koronavırýs ınfektsııasy boıynsha jaǵdaı nasharlaýda, aýrýdy taldaý kezinde 18 jastan 60 jasqa deıingi eńbekke qabiletti adamdar jıi aýyratyny anyqtaldy, olardyń úlesi 60%-dy quraıdy.

Bul rette syrqattanǵandardyń ishinen jumys isteıtin halyq 73% -dy, balalar -13% -dy, zeınetkerler-14% -dy quraıdy.

Sondaı-aq, Máskeý oblysynda azamattardyń jekelegen sanattary úshin mindetti vaktsınatsııa jarııalandy.


Joǵary qaraı