Aýa raıy
Astana -2 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Máýlen Áshimbaev Bas múftı men pravoslav shirkeýiniń Qazaqstandaǵy jetekshisimen kezdesti

2020 jyldyń 22 qyrkúıek 2020 19:03

NUR-SULTAN. QazAqparat - Senat Tóraǵasy, Álemdik jáne dástúrli dinder lıderleri Sezi Hatshylyǵynyń basshysy Máýlen Áshimbaev Bas múftı Naýryzbaı qajy Taǵanulymen kezdesti. Bul týraly QazAqparat tilshisi Senattyń baspasóz qyzmetine silteme jasap habarlaıdy.

Kezdesý barysynda dinaralyq dıalogty damytý jáne elimizde qoǵamdyq kelisimdi nyǵaıtý máseleleri talqylandy.

Máýlen Áshimbaev Qazaqstannyń el ishinde jáne jahandyq deńgeıde dinaralyq dıalog ıdeıasyn ilgeriletýge basa mán berip otyrǵanyn atap ótti. Senat Tóraǵasy aldaǵy ýaqytta Sezd Hatshylyǵynyń jumysy dinı birlestikter ókilderiniń syndarly baılanysyn nyǵaıtýǵa baǵyttalatynyna senim bildirdi.

Senat Tóraǵasy meshit qyzmetkerleriniń pandemııa kezinde azamattarymyzǵa qoldaý kórsetkenin tilge tıek etti. Atap aıtqanda, syn saǵatta qaıyrymdy ister uıymdastyryp, muqtaj otbasylarǵa kómek qolyn sozǵan Dinı basqarmanyń belsendi jumysyna erekshe nazar aýdardy.

Sondaı-aq, taraptar elimizde qoǵamdyq kelisimdi nyǵaıtýdyń jáne túrli konfessııa ókilderi arasynda tıimdi baılanys ornatýdyń mańyzyna toqtaldy.

Conymen qatar Máýlen Áshimbaev Orys pravoslav shirkeýiniń Qazaqstandaǵy jetekshisi, Astana jáne Qazaqstan Mıtropolıti Aleksandrmen kezdesý ótkizdi.

Máýlen Áshimbaev pravoslav shirkeýi Qazaqstanda qoǵamnyń rýhanı damýy jolynda úlken jumys júrgizip jatqanyn atap ótti.

Senat Tóraǵasy bıyl Qazaqstannyń pravoslav shirkeýi búkil pravoslav álemine tanymal aǵash sáýlet óneriniń jaýhary bolyp sanalatyn Voznesensk kafedraldy shirkeýiniń oralǵanyna 25 jyl tolýyn atap ótetinin eske saldy. Shirkeý tarıhı-mádenı eskertkish mártebesine ıe, Qazaqstannyń kıeli jerleriniń tizimine engizilgen jáne Almatynyń kórikti ǵımarattarynyń biri bolyp esepteledi.

Álemdik jáne dástúrli dinder lıderleri seziniń qorytyndylaryn iske asyrý jumystaryna qatysty pikir almasý júrgizildi, sondaı-aq elimizde konfessııaaralyq kelisim ıdeıalaryn odan ári ilgeriletý máseleleri talqylandy.


Basty sózder: Din, Senat,
Joǵary qaraı