Aýa raıy
Astana -14 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Máýlen Áshimbaev Elbasynyń «Abaı amanaty» atty maqalasyna pikir bildirdi

2020 jyldyń 7 qazan 2020 12:47

NUR-SULTAN. QazAqparat – QR Parlamenti Senatynyń tóraǵasy Máýlen Áshimbaev Elbasynyń «Abaı amanaty» atty maqalasyna oraı pikir bildirdi, dep habarlaıdy QazAqparat tilshisi.

«Elbasynyń «Abaı amanaty» atty maqalasyn bir demmen oqyp shyqtym. Týyndy Tuńǵysh Prezıdentimizdiń Abaıdy alǵash tanyǵan kezinen bastalyp, uly oıshyldyń ósıet sózderimen órilgen. Maqalany oqý arqyly Elbasy ómirine, onyń ishinde el basqarýdaǵy is-áreketine aqynnyń ǵıbrattary qanshalyqty áser etkenin burynǵydan da jaqynyraq bildik deýge bolady. Shyn máninde, Nursultan Ábishulynyń ár ıgi bastamasy danyshpannyń ónegesine taban tireıdi. Oǵan Elbasynyń Qazaqstan halqy Assambleıasyn qurý týraly sheshimi Abaıdyń «Adamzattyń bárin súı baýyrym dep...» degen qaǵıdasymen úndesýi aıqyn dálel», - dep jazdy Senat spıkeri Facebook paraqshasynda.

Máýlen Áshimbaev Elbasy maqalada Qazaqstan Respýblıkasynyń Prezıdenti retindegi ókilettigin óz erkimen toqtatý týraly sheshimdi qabyldamas buryn bolashaqta el tizginin ustaıtyn azamatqa Abaısha qarap, Abaısha baǵa bergenin aıtqanyna nazar aýdartady.

«Osynyń ózi Abaı murasynyń máńgilik ekenin dáleldeıtin dúnıe. Nursultan Ábishuly ǵulamanyń 150 jyldyq mereıtoıyn halyqaralyq deńgeıde atap ótýdiń eldik, egemendik turǵysynan qanshalyq mańyzdy bolǵanyn da nazardan tys qaldyrmaı, sol kezdegi birqatar estelikterge toqtalyp ótken. Oqyp otyryp, Abaıdaı dara tulǵanyń mereıtoıy toı toılaý úshin emes, oı oılaý úshin qajet degen qaǵıdanyń durystyǵyna odan ári kóz jetkize túsesiń.

Elbasy maqalada: «Keıde bizdiń býyn ómir boıyna uly Abaı mektebinen, ıaǵnı ǵulamanyń muhıttaı shalqar oı qazynasynan tolassyz bilim alyp kele jatqandaı kórinedi», – deıdi. Biz osy úrdisti laıyqty jalǵastyrýymyz qajet. ıAǵnı, Abaıdyń aqyl darııasy ultymyzdyń búgingi býyny úshin de jáne bolashaq urpaq úshin de aınymas baǵyt-baǵdarǵa, ómirlik shamshyraqqa aınalýy kerek. Bul – kemel keleshektiń birden bir kepili», - dedi Senat tóraǵasy.


Joǵary qaraı