Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Máýlen Áshimbaev Saýd Arabııasy Konsýltatıvtik Keńesiniń tóraǵasymen kezdesti

2021 jyldyń 18 qazan 2021 19:44

NUR-SULTAN. QazAqparat - Senat spıkeri Máýlen Áshimbaev Qazaqstanǵa resmı saparmen kelgen Saýd Arabııasy Koroldigi Konsýltatıvtik Keńesiniń tóraǵasy Abdalla ben Muhammad ben Ibrahım Ál Ash-Sheıhpen kezdesti, dep habarlaıdy QazAqparat.

Óz sózinde Máýlen Áshimbaev Parlament Senaty men Konsýltatıvtik Keńes arasyndaǵy ekijaqty ózara tıimdi yntymaqtastyqty nyǵaıtýdyń áleýeti mol ekenin atap ótti. Sondaı-aq Palata Spıkeri Saýd Arabııasy Qazaqstan úshin mańyzdy saýda-ekonomıkalyq seriktes ekenin, al eki el halqyn ortaq din men rýhanı qundylyqtar baılanystyratynyn aıtty.

Senat tóraǵasy jan-jaqty damyp kele jatqan ekijaqty qarym-qatynas dál osy qundylyqtarǵa taban tireıtinine nazar aýdardy.




«Sońǵy jyldary bizdiń elderimiz arasyndaǵy baılanys erekshe ekpinmen damyp keledi. Bul – Qazaqstan Prezıdenti Qasym-Jomart Kemeluly Toqaev pen Saýd Arabııasynyń Koroli Salman ben Ábdelázız ál-Saýd arasyndaǵy dostyq qarym-qatynastyń nátıjesi. Eki eldiń baılanysyn odan ári damytyp, nyǵaıtý máselesi Qazaqstannyń Tuńǵysh Prezıdenti – Elbasy Nursultan Ábishuly Nazarbaevtyń únemi basty nazarynda. Memleket basshylary belgilep bergen osyndaı joǵary deńgeıdegi yntymaqtastyqty Qazaqstan Parlamenti men Saýd Arabııasy Koroldigi Konsýltatıvtik Keńesi tarapynan laıyqty jalǵastyrý mańyzdy», – dedi Máýlen Áshimbaev.

Suhbattasý barysynda taraptar eki memlekettiń ókildi organdary arasyndaǵy yntymaqtastyqty nyǵaıtýǵa múddeli ekenderin tanytty. «Bul rette Qazaqstan Pralmenti men Koroldiktiń Konsýltatıvtik Keńesinde qurylǵan elderimiz arasyndaǵy dostyq toptarynyń mańyzy zor. Biz Saýd Arabııasynyń ekonomıkany ártaraptandyrý jáne jańǵyrtý baǵdarlamasyn zerdeleýge múddelimiz», – dedi Máýlen Áshimbaev.

Sonymen qatar kezdesý kezinde kelesi jyly 14-15 qyrkúıek kúnderi Nur-Sultan qalasynda ótetin Álemdik jáne dástúrli dinder lıderleriniń VII Sezine daıyndyq barysy da keńinen sóz boldy. Senat spıkeri Saýd Arabııasynyń Qazaqstanda ótetin dástúrli dinaralyq forýmdy únemi qoldap kele jatqanyn tilge tıek etti. Osyǵan oraı suhbattasýshylar sezd aıasynda da eki eldiń yntymaqtastyǵyn arttyrýǵa nıetti ekenderin bildirdi.

«Sezge din lıderlerimen qatar belgili saıası qaıratkerler men halyqaralyq uıymdardyń basshylary da qatysady. Koroldik ókilderi Jumys toptary men Sezd Hatshylyǵynyń otyrystaryna turaqty túrde qatysyp, forýmnyń mazmundy ótýine jáne qorytyndy qujatty daıyndaýǵa úlken úles qosyp keledi. Osyǵan oraı saýdııalyq tarapqa Forým jumysyna belsendi qatysyp kele jatqany úshin alǵysymyzdy bildiremiz. Kelesi jyly ótetin VII Sezd barysynda da qoldaý kórsetesizder dep úmittenemiz», – dedi Máýlen Áshimbaev.

Kezdesýde koronavırýs pandemııasymen kúres máselesi de nazardan tys qalmady.




Senat spıkeri Qazaqstannyń osy baǵytta qabyldaǵan sharalaryna, onyń ishinde QazVac otandyq vaktsına ázirleý isine toqtalyp ótti. Sondaı-aq ol Qazaqstannyń QazVac-ty ózge elderge eksporttaýǵa daıyn ekenin de jetkizdi. Senat baspasóz qyzmetiniń málimetinshe, Palata Tóraǵasy elimizdiń óńirde jáne álemde bıologııalyq qaýipsizdikti qamtamasyz etýge basa mán berip otyrǵanyn aıtty.

Pandemııa búginde bul máseleniń qanshalyqty ózekti ekenin kórsetip berdi. M. Áshimbaev Qazaqstan Prezıdentiniń BUU-nyń qoldaýymen halyqaralyq Bıologııalyq qaýipsizdik jónindegi agenttik qurý týraly bastamasynyń mańyzy zor ekenine kóńil bóldi. Budan basqa eki el arasynda týrızm salasy boıynsha da yntymaqtastyqty kúsheıtýge zor múmkindikter bar ekeni aıtyldy.

Senat tóraǵasy elimizdiń týrıstik áleýetine keńirek toqtalyp, Túrkistan qalasynda jáne Kaspıı jaǵalaýynda salynyp jatqan salalyq klasterlerge, sondaı-aq, osy baǵyttaǵy basqa da bastamalarǵa nazar aýdardy. Kezdesý sońynda taraptar aldaǵy ýaqytta Qazaqstan-Saýdııa qarym-qatynasyn odan ári nyǵaıtýǵa jáne keńeıtýge belsendi túrde yqpal etýge, sol jolda yntymaqtasýǵa daıyn ekenderin jetkizdi.








Joǵary qaraı