Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Máýlen Áshimbaevtyń tóraǵalyǵymen Senat bıýrosynyń otyrysy ótti

2021 jyldyń 12 qańtar 2021 16:56

NUR-SULTAN. QazAqparat - Senat spıkeri Máýlen Áshimbaevtyń tóraǵalyǵymen Palata bıýrosynyń otyrysy ótti, dep habarlaıdy QazAqparat joǵary palatanyń baspasóz qyzmetine silteme jasap.

Senat tóraǵasy óz sózinde 10 qańtar kúni ótken Májilis jáne barlyq deńgeıdegi máslıhattar saılaýyna toqtalyp, daýys berýge qatysqan azamattardyń belsendiligine nazar aýdardy.

«Jýyrda 7-shaqyrylymdaǵy Qazaqstan Parlamentiniń 1-sessııasy ashylady. Sol jıynda Memleket basshysy elimizdiń saıası, áleýmettik-ekonomıkalyq damýyna arnalǵan naqty mindetterdi belgilep beredi. Parlament Prezıdenttiń barlyq bastamasyn nátıjeli iske asyrý úshin sapaly zańdar qabyldaý qajet», – dedi Máýlen Áshimbaev.

Bıýro otyrysynda depýtattar Májilis maquldaǵan zań jobalaryn bólip, Senattyń 2021 jylǵy 14 qańtarda ótetin otyrysynyń kún tártibin talqylady.

Senatorlar aldaǵy Palata otyrysynda «Qazaqstan Respýblıkasynyń Sý kodeksine jergilikti ókildi, ortalyq jáne jergilikti atqarýshy organdar arasynda aýyzsýmen jabdyqtaýdy sýbsıdııalaý jónindegi ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda qaraıdy. Bul qujat aýyldyq jerlerdi aýyzsýmen jabdyqtaý jumystaryn ońtaılandyrýǵa jáne jańadan qurylǵan júıelerdi jeńildigi bar nysandar tizimine qosý isin tezdetýge arnalǵan.

Sonymen qatar depýtattar Senat otyrysynda «Qazaqstan Respýblıkasynyń keıbir zańnamalyq aktilerine jyljymaıtyn múlikke quqyqtardy jáne zańdy tulǵalardy memlekettik tirkeý máseleleri boıynsha ózgerister men tolyqtyrýlar engizý týraly» zań jobasyn qaraıdy. Atalǵan zań jobasy Parlament depýtattarynyń bastamasymen ázirlengen. Qujat tirkeý rásimderin jáne memlekettik qyzmet kórsetý tártibin ońtaılandyrýǵa

múmkindik beredi. Onyń ishinde elektrondy formatta kórsetiletin qyzmet túrleri de bar ekenin atap ótken jón.

Sondaı-aq, senatorlar aldaǵy beısenbide Elektrondyq júıeniń paıdalanylýyn jáne oǵan qyzmet kórsetetin personaldyń jumysyn baqylaý jónindegi komıssııa qurý máselesin qaraıdy.

Basty sózder: Zań, Senat,
Joǵary qaraı