Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Maýsym jáne shilde aılaryndaǵy jaǵdaı elordada qaıtalanbaıdy - dáriger

2020 jyldyń 20 qarasha 2020 17:31

NUR-SULTAN. QazAqparat – Elordada osy jyldyń jazyndaǵydaı indet qaıtadan qatty órshýi múmkin be? Bul suraqqa Nur-Sultandaǵy Kópsalaly medıtsınalyq ortalyǵyna qaraıtyn qalalyq ınfektsııalyq ortalyqtyń basshysy Tatıana Tsechoeva jaýap berdi, dep habarlaıdy QazAqparat tilshisi.

«Bul suraq bizdiń bárimizdi de alańdatyp otyr. Qalada koronavırýs juqtyrýdyń shyrqaý shegi ótip ketti. Aýrýdyń dál osylaı órshý deńgeıi qazir Soltústik Qazaqstan men Shyǵys Qazaqstan oblystarynda baıqalady. Bizdiń qalada belgili bir dárejede «ımmýndy qatpar» qalyptasyp qaldy. Meniń oıymsha, jańa jaǵdaı áli de tirkeledi. Alaıda osy jyldyń maýsym jáne shilde aılaryndaǵy jaǵdaı Nur-Sultanda qaıtalanbaıdy. Aýrýdyń mundaı sharyqtaý shegi «ımmýndy qatpar» qalyptaspaǵan óńirlerde bolýy múmkin. Sebebi ol óńirlerde osy jazda aýrý juqtyrǵandar az boldy», - dedi Tatıana Tsechoeva OKQ-da ótken baspasóz máslıhatynda.

Infektsıonıst halyq eń aldymen qazir medıtsına qyzmetkeriniń keńesine qulaq túrýi kerektigin eskertti.

«Eger biz osyǵan deıin aıtylǵan qarapaıym sharalardy ustanatyn bolsaq, onda karantınniń qatań sharalarynan aınalyp ótemiz», - dedi ol.

Eske sala ketsek buǵan deıin Tatıana Tsechoeva koronavırýs pen tumaýdyń aıyrmashylyǵy nede ekenin túsindirip bergen bolatyn.


Joǵary qaraı