Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Májilis apparatyna jańa basshy taǵaıyndaldy

2020 jyldyń 26 qazan 2020 12:49

NUR-SULTAN. QazAqparat - Búgin Palata spıkeri Nurlan Nyǵmatýlınniń tóraǵalyǵymen Májilis bıýrosy ótti. Onda Palatanyń aldaǵy jalpy otyrysy kún tártibiniń jobasy naqtylandy, dep habarlaıdy QazAqparat tómengi palatanyń baspasóz qyzmetine silteme jasap.

Májilis aldaǵy jalpy otyrysta ekologııalyq zańnama salasyndaǵy zań jobalarynyń toptamasyn qaraıdy.

Depýtattar birinshi oqylymda Ekologııalyq kodekstiń jobasyn ilespe túzetýlermen, Ákimshilik quqyq buzýshylyq týraly ekologııa máseleleri boıynsha kodeksti zańnamalyq ózgertýlermen, sondaı-aq Salyq kodeksine jáne ekologııa máseleleri boıynsha ony qoldanysqa engizý týraly zańǵa túzetýlerdi talqylaıdy.

Birinshi oqylymda depýtattarǵa bıýdjet zańnamasyn jetildirý máseleleri boıynsha zańnamalyq túzetýler jobasyn qaraý usynylady.

Sondaı-aq, óńirlerdiń ákimshilik-aýmaqtyq qurylysyn jetildirýge qatysty zańnamalyq jańalyqtar da engiziledi.

Budan basqa, Palata qaldyqtardy energetıkalyq kádege jaratý, sý qorǵaý beldeýleri jáne júkterdi temirjol kóligimen tasymaldaý máseleleri boıynsha zańnamalyq túzetýler jobasyna Senat engizgen ózgerister men tolyqtyrýlardy qaraıdy.

Jalpy otyrysta Palata beıindi komıtetteri birqatar jańa zań jobalaryn jumysqa aldy. Atap aıtqanda, EAEO sheńberindegi aınalysynyń tártibi jáne mundaı ónimniń qaýipsizdigin qamtamasyz etý qaǵıdalary týraly kelisim. Sondaı-aq, TMD-ǵa qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaıtarýdy qamtamasyz etýdegi yntymaqtastyǵy týraly kelisimge túzetý engizetin zań jobasy bar.

Sonymen qatar Bıýro otyrysynda Májilis Tóraǵasy Nurlan Nyǵmatýlın Palata apparatynyń jańa basshysy Dastan Mahaevty tanystyrdy. Ol buǵan deıin QR Indýstrııa jáne ınfraqurylymdyq damý mınıstrliginiń Indýstrııalyq damý jáne ónerkásiptik qaýipsizdik komıteti tóraǵasynyń orynbasary qyzmetin atqarǵan.





Basty sózder: Taǵaıyndaý, Parlament,
Joǵary qaraı