Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Májilis aýdan ákimderin saılaý boıynsha zań jobasyn maquldady

2021 jyldyń 5 mamyr 2021 12:56

NUR-SULTAN. QazAqparat – QR Parlamenti Májilisinde Prezıdent bastamalyq etken aýdan ákimderin saılaý usynysy maquldandy, dep habarlaıdy QazAqparat.

QR Ulttyq ekonomıka mınıstri Áset Erǵalıev «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» QR Konstıtýtsııalyq zańy jobasyn tanystyrdy.

«Memleket Basshysynyń ótken jylǵy 1 qyrkúıektegi joldaýyndaǵy tapsyrmasyn iske asyrý barysynda elimizdiń aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderin tikeleı saılaýyn engizý máseleleri boıynsha zań jobalary ázirlendi. Negizgi zań jobasynda «Saılaý týraly» Konstıtýtsııalyq zańǵa ózgerister engizilý kózdelip otyr», - dedi Ulttyq ekonomıka mınıstri Májilistiń jalpy otyrysynda.

Onyń aıtýynsha, qazir elimizde 2345 ákimshilik-aýmaqtyq birlik bar. Ony ishinde, bıylǵy ekinshi jartyjyldyqta 836 ákim tikeleı daýys berý arqyly saılanatyn bolady.

«QR memlekettik qyzmet týraly zańnamasyna sáıkes, biliktilik talaptaryna saı kelgen jáne 25 jasqa tolǵan elimizdiń kez kelgen azamaty saılana alady. Sondaı-aq, saıası partııa músheleri jáne saılaýshylardyń jalpy sanynyń keminde 1% paıyzyna qol jınaǵan kandıdattar saılaýǵa túse alady. Bul rette, aýdan ákiminiń, eger kandıdattar bolmaǵan ne bireýi ǵana usynylǵan jaǵdaıda, eki ne bir kandıdaty usynýǵa quqyǵy bar», - deıdi Á. Erǵalıev.

Zań jobasynda barlyq kandıdattar úshin eń tómengi jalaqy mólsherinde saılaý jarnasyn engizý kózdelgen.

«Saılaý 40 kún buryn jarııalanady, al saılaýdyń ózi qazirgi ákimniń ókilettik merzimi aıaqtalǵanǵa deıin 10 kún buryn ótedi. Saılaý ótkizilgennen keıin úsh kún ishinde qorytyndy shyǵarylady. Óz kezeginde saılanǵan ákim júrgizip jatqan jumysy úshin halyqqa esep beredi», - dedi Áset Erǵalıev.

Konstıtýtsııalyq zań jobasyn Májilistiń jalpy otyrysyna qatysyp otyrǵan 95 depýtattyń barlyǵy maquldady.


Joǵary qaraı