Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Májilis depýtattary elordanyń sý tasqyny qaýpi bar aýmaqtaryn áýeden baqylady

2021 jyldyń 17 sáýir 2021 14:20

NUR-SULTAN. QazAqparat - QR Tótenshe jaǵdaılar mınıstri ıÝrıı Ilın Parlament Májilisiniń depýtattary Aleksandr Mılıýtın men Jambyl Ahmetbekovti bas qaladaǵy Astana sý rettegishiniń jumysymen tanystyrdy.

Bul týraly QR Tótenshe jaǵdaılar mınıstrliginiń resmı ókili Talǵat Ýálı málimdedi.

ıÝ. Ilın Astana sý rettegishiniń osy kezdegi kezeńdegi jumysy týraly aıtty.

Onyń sózinshe, sý rettegish uzyndyǵy 31 shaqyrym bolatyn qorǵanys bógetin qamtıdy jáne 450 mln tekshe metrge deıingi kólemdegi tasqyn sýdy ýaqytsha ustaı alady.

Mınıstr qazirgi ýaqytta sý rettegishte Astana sý qoımasynan tastalǵan 56 mln. tekshe metr tasqyn sý jınaqtalǵanyn habarlady.





Sondaı-aq, ol ózen arnalaryn tazartý, qorǵanys bógetterin nyǵaıtý, apattyq Gıdrotehnıkalyq qurylystardy jóndeý boıynsha keshendi sharalardy oryndaý úshin qosymsha qarajat qajet ekenin atap ótti.

Óz kezeginde Aleksandr Mılıýtın Parlamentte sý tasqynyna qarsy is-sharalarǵa bıýdjet qarajatyn bólý máselesin kóteretinin aıtty.

Kezdesý barysynda depýtattar Arshaly aýdanynyń Jibek Joly kentine bardy. Onda Tótenshe jaǵdaılar birinshi vıtse-mınıstri Ibragım Kúlshimbaev pen vıtse-mınıstr Marat Kúldikov kenttiń sý basqan ýchaskelerinde ótkizilgen sý tasqynyna qarsy is-sharalardy tanystardy.

Aqmola oblysynyń 52859 áskerı bólimi men TJD jeke quramymen Jibek Joly kentiniń aınalasynda eki shaqyrymdyq úıindi bekitilimdi nyǵaıtý boıynsha jumystar jalǵasýda. 1000-nan astam ınertti materıaly bar qaptar daıyndaldy, onyń 700-ge jýyǵy tóseldi. Qazir jaǵdaı turaqtandy. Aýla aýmaǵynan erigen sý soryp shyǵaryldy.








Sonymen qatar, Tótenshe jaǵdaılar birinshi vıtse-mınıstri Ibragım Kúlshimbaev Májilis depýtattarymen birge sý tasqyny jaǵdaıyn aerovızýaldy zertteý jáne monıtorıngileý maqsatynda elordanyń shekara mańyndaǵy aýmaqtaryn áýeden sholyp shyqty.

Ushý barysynda depýtattar 42-razezd, Qoıandy, Talapker, Qaraótkel, Qarajar Jibek Joly jáne Qosshy eldi mekenderiniń aýmaqtaryn áýeden baqylady.

Baqylaý kezinde qardyń erý protsesi turaqty júrip jatqany baıqaldy. Sý shaıǵan aımaqtar joq. Táýlik boıy kosmomonıtorıng júrgizý jalǵasýda. Aqmola, Qostanaı jáne Soltústik Qazaqstan oblystarynyń keıbir ózen aýmaqtarynda seń júrý úderisi bastaldy.

Sondaı-aq Aqmola, Shyǵys Qazaqstan, Qostanaı jáne Soltústik Qazaqstan oblystarynyń sý qoımalarynda sý jınaýǵa qajetti oryndar ázirlenýde.











Joǵary qaraı