Aýa raıy
Astana 9 °S
Almaty 22 °S
valıýta baǵamy
USD 421.58
EUR 496.83
RUB 5.53
CNY 62.20

Májilis depýtattary Qurban aıt merekesine oraı qaıyrymdylyq aktsııasyn ótkizdi

2020 jyldyń 31 shilde 2020 18:16

NUR-SULTAN. QazAqparat - Búgin búkil álem musylmandary atap ótetin Qurban aıt merekesinde Májilis depýtattary elimizdiń ár aımaǵynda koronavırýs indetiniń saldarynyń qıyn jaǵdaıǵa tap bolǵan qazaqstandyqtarǵa qaıyrymdylyq sharalaryn ótkizdi.

Bul týraly QazAqparat QR Parlament Májilisiniń baspasóz qyzmetine silteme jasap habarlaıdy.

Baspasóz qyzmetiniń málimetterine qaraǵanda, qasıetti merekede depýtattar múmkindigi shekteýli jandarǵa, kóp balaly otbasylar men qarttarǵa azyq-túlik pen qajetti zattardy jáne jeke qorǵanys quraldaryn jetkizdi.

Nur-Sultan qalasynda Májilis depýtattary Berik Ospanov, Asylbek Smaǵulov jáne Nurjan Áltaev muqtaj jandarǵa kómek kórsetti.

Olar Qazaqstan musylmandary dinı basqarmasynyń ókilderimen birge qarttar men kópbalaly otbasylarǵa baryp, azyq-túlik pen qurbandyqqa shalynǵan maldyń etterin berdi.

Májilis depýtattary bul kúnderi tek iri qalalarǵa ǵana emes, oblys ortalyqtary men shalǵaıdaǵy eldimekenderge de bardy. «Aq jol» partııasynyń parlamenttik fraktsııasynyń jetekshisi Azat Perýashev elordadan 160 shaqyrym jerde ornalasqan Aqmola oblysynyń Ereımentaý aýdanynda boldy. Májilismen 30 otbasyna azyq-túlik pen qajetti taýarlar jetkizdi. Sonymen qatar, A.Perýashev aýdandyq aýrýhananyń dárigerleri men medıtsına qyzmetkerlerimen kezdesip, aýrýhanaǵa dári-dármekter men jeke qorǵanys quraldaryn syıǵa tartty.

Sonymen qatar, qaıyrymdylyq aktsııalaryna Májilis depýtattary «Halyqtyq kommýnıster» fraktsııasynyń atynan Aıqyn Qońyrov pen Jambyl Ahmetbekov te belsendi qatysty. Májilismender «Shapaǵat» jobasy aıasynda kópbalaly otbasylarǵa, zeınetkerlerge, sondaı-aq balalar úıiniń burynǵy túlekterine azyq-túlikpen kómek kórsetti.

Májilis depýtaty Abzal Eralıev Qyzylorda oblysyndaǵy kóptegen otbasylarǵa áleýmettik qoldaý kórsetti.

Kórsetilgen kómekke rızashylyq bildirgen óńir turǵyndary qazaqstandyq qoǵamnyń basty qundylyqtary - beıbitshilikti, kelisim men birlikti jáne bir-birine qurmet pen qoldaý kórsetýdiń mańyzdylyǵyn atap ótti.

Aıta ketý kerek, Qurban aıt merekesi aıasynda qaıyrymdylyq aktsııalary Májilis depýtattarynyń esebinen uıymdastyryldy.

Іs-sharalar barlyq sanıtarlyq normalar men karantın erejelerin qatań saqtaı otyryp ótkizildi.











Basty sózder: Parlament, Qaıyrymdylyq, Din,
Joǵary qaraı