Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Májilis depýtattary nesıe raqymshylyǵyn jasaýdy usyndy

2021 jyldyń 8 jeltoqsan 2021 14:17

NUR-SULTAN. QazAqparat – Parlament Májilisiniń jalpy otyrysynda depýtat Azamat Ábildaev qarjylyq qıyndyqqa tap bolǵan adamdarǵa nesıe raqymshylyǵyn jasaýdy usyndy, dep habarlaıdy QazAqparat tilshisi.

«Qazaqstan halqynyń bankter aldyndaǵy bereshegi kún sanap artyp bara jatyr. Qazirgi ýaqytta, halyqtyń 27 paıyzy bankterdiń aldynda boryshker. Búginde el turǵyndarynyń ıpotekalyq nesıe boıynsha bereshegi 2,716 trln teńgege jetipti. Tutynýshylyq maqsattarǵa alynǵan nesıe 5,19 trln teńge bolsa, merzimi ótken bereshek 199 mlrd teńgeni qurap otyr», - dedi A. Ábildaev Úkimet basshysynyń birinshi orynbasary Álıhan Smaıylovtyń atyna joldaǵan saýalynda.

Osy oraıda ol elimizde zańdy tulǵalardyń bankrottyǵy týraly zańy bar ekenin, biraq jeke tulǵalardyń bankrottyǵy týraly zań joq ekenin atap ótti. «Aq jol» partııasynyń depýtattary buǵan deıin de «Jeke tulǵalardyń bankrottyǵy týraly» zań jobasy kerek dep júrgenine on shaqty jyl boldy. Bul bastamany sol kezde Qarjy mınıstrligi ilip áketkenimen, osy kúnge deıin únsiz qalyp otyr.

«Al endi qylmys jasap sottalǵandarǵa raqymshylyq jasap otyrǵan memleketke qandaı da bir oqys oqıǵaǵa ushyraýynyń saldarynan qarjylyq qıyndyqqa tirelip otyrǵan azamattarymyzǵa nege qamqorlyq jasamasqa?! Olar da bizdiń qoǵamymyzdyń bir bólshegi emes pe? Nege olarǵa da raqymshylyq jasamaımyz?», - dedi depýtat.

«Aq jol» partııasynyń depýtattary qandaı da bir oqys oqıǵaǵa ushyraýynyń saldarynan qarjylyq qıyndyqqa tirelip otyrǵan azamattarymyzǵa Táýelsizdiktiń 30 jyldyǵyna baılanysty raqymshylyq jasaýdy, Parlamenttiń qaraýyna «Jeke tulǵalardyń bankrottyǵy týraly» zań jobasyn engizýdi, kollektorlyq kompanııalardy tizgindeýdi suraımyz», - dedi Azamat Ábildaev.


Joǵary qaraı