Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Májilis depýtaty Qanat Mýsınniń ókilettigi merziminen buryn toqtatyldy

2021 jyldyń 16 maýsym 2021 10:40

NUR-SULTAN. QazAqparat – Parlament Májilisiniń jalpy otyrysynda palata depýtaty Qanat Mýsınniń ókilettigi merziminen buryn toqtatyldy, dep habarlaıdy QazAqparat tilshisi.

Parlament Senatynyń 2021 jylǵy 10 maýsymdaǵy qaýlysynyń negizinde Májilis depýtaty Qanat Mýsın Joǵary sot sýdıasy qyzmetine saılandy. Osy oraıda zańnamaǵa sáıkes Q. Mýsınniń depýtattyq ókilettigin merziminen buryn toqtatý týraly usynym engizildi.

Palata depýtattary bul usynymǵa qoldaý bildirdi.

«Qanat Sergeıuly, sizge Parlamentte birlesip atqarǵan jumysyńyz úshin alǵys bildiremiz. Májilistiń Zańnama jáne sot-quqyqtyq reforma komıtetiniń basqaryp, kóptegen mańyzdy zańdardyń qabyldanýyna zor úles qostyńyz. Árdaıym júktelgen mindetti abyroımen atqaryp keldińiz», - dedi Májilis tóraǵasy Nurlan Nyǵmatýlın.

Osy oraıda jalpy otyrysta Qanat Mýsınge «Alǵys hat» tabystaldy.

Eske sala keteıik, jaqynda Qazaqstan Respýblıkasy Parlamenti Májilisiniń Zańnama jáne sot-quqyqtyq reforma komıtetiniń tóraǵasy Qanat Mýsın Joǵarǵy sot sýdıasy bolyp saılandy.


Joǵary qaraı