Aýa raıy
Astana 5 °S
Almaty 7 °S
valıýta baǵamy
USD 388.96
EUR 432.21
RUB 6.09
CNY 54.99

Májilis dopıngke qarsy tártipti qatańdatý týraly zań jobasyn maquldady

2019 jyldyń 18 qyrkúıek 2019 13:26

NUR-SULTAN. QazAqparat - QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaıdy QazAqparat tilshisi.

Zań jobasynyń negizgi maqsaty – qoldanystaǵy dene shynyqtyrý jáne sport salasyndaǵy zańnamany jetildirý, dopıngke qarsy erejelerdi qatańdatý, Ulttyq dopıngke qarsy ortalyqtyń mártebesin kóterý.

Zań jobasyn ekinshi oqylymǵa daıyndaý barysynda depýtattar zańnyń uǵymdyq apparatyn naqtylaýdy mazmundy túrde qozǵaıtyn túzetýler engizdi. Olar: «sportshyny jarystan shettetý», «jattyqtyrýshyny, jattyqtyrýshy-oqytýshyny, sport medıtsınasy jónindegi mamandy, dene shynyqtyrý salasyndaǵy ózge de mamandy, sport tóreshisin qyzmetin atqarýdan shettetý. Qujat jumys protsesinde «sporttyq ádep», «birinshi jattyqtyrýshy», «jeke jattyqtyrýshy» degen uǵymdarmen tolyqtyryldy.

Sonymen qatar, dopıngke qarsy qaǵıdalardy buzǵany úshin jazalaý maqsatynda depýtattardyń túzetýlerimen sportshylardy, jattyqtyrýshylardy, dene shynyqtyrý men sport salasyndaǵy ózge de qatysy bar sýbektilerdi turǵynjaıdan, sporttyq ataqtan, sporttyq razrıadtan jáne biliktilik sanatynan aıyrýdyń quqyqtyq negizderi pysyqtalyp, naqtylandy.

Munymen qosa, zań jobasynyń jańashyldyǵymen chempıondarmen júldegerlerge jergilikti atqarýshy organnyń kommýnaldyq turǵyn úı qorynan jalǵa baspana berý, al 10 jyl ótken soń ony menshikke alý negizderi bekitiledi. Bul rette, álemdik birinshilik chempıondary men júldegerleri qaıtys bolǵan jaǵdaıda, osy turǵyn úıdi menshikke alý úshin olardyń muragerleriniń múddelern eskerý usynyldy.

Eske sala keteıik, bıyl naýryz aıynda Parlament Májilisi atalǵan zań jobasyn birinshi oqylymda maquldaǵan bolatyn.



Joǵary qaraı