Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Májilis Energetıka mınıstri laýazymyna Maǵzum Myrzaǵalıevtiń kandıdatýrasyn maquldady

2021 jyldyń 9 qyrkúıek 2021 17:05

NUR-SULTAN. QazAqparat – Májilis depýtattary Energetıka mınıstri qyzmetine Maǵzum Myrzaǵalıevtiń kandıdatýrasyn maquldady, dep habarlaıdy QazAqparat tilshisi.

Májilis Energetıka mınıstriniń kandıdatýrasyn maquldady. Bul týraly Májilistiń baspasóz qyzmeti málim etti.

«Májilistiń Ekologııa máseleleri jáne tabıǵat paıdalaný komıtetiniń otyrysynda Maǵzum Myrzaǵalıevti Qazaqstan Respýblıkasynyń Energetıka mınıstri laýazymyna taǵaıyndaý týraly usynys qoldaý tapty. Usynys «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýtsııalyq zańynyń 22-1-baby boıynsha qaralǵan bolatyn. Kandıdatty QR Premer-Mınıstriniń tapsyrmasy boıynsha keńse basshysy Ǵalymjan Qoıshybaev tanystyrdy», - dep jazady Májilistiń baspasóz qyzmeti.

Otyrys qorytyndysy boıynsha Qazaqstan Respýblıkasynyń Energetıka mınıstri laýazymyna taǵaıyndaý úshin Maǵzum Myrzaǵalıevtiń kandıdatýrasyn usyný múmkindigi týraly komıtettiń qorytyndysy qabyldandy.





Joǵary qaraı