Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Májilis «QR Tuńǵysh Prezıdenti – Elbasy týraly» Konstıtýtsııalyq zańǵa túzetý engizdi

2022 jyldyń 19 qańtar 2022 16:26

NUR-SULTAN. QazAqparat – Parlament Májilisi «QR Tuńǵysh Prezıdenti – Elbasy týraly» Konstıtýtsııalyq zańǵa túzetýler engizip, Senatqa joldady. Bul jaıynda Májilis depýtaty Qanat Nurov málim etti, dep habarlaıdy QazAqparat tilshisi.

«Memleket basshysynyń Parlamenttegi sońǵy sóılegen sózi shyn máninde revolıýtsııalyq boldy. Halyq jeńil tynys aldy. Endi Parlament pen Úkimet onyń barlyq negizdemelerin tolyq, shuǵyl ári naqty júzege asyrýy tıis. Eń aldymen Tuńǵysh Prezıdenttiń Qazaqstan halqy Assambleıasy men Qaýipsizdik keńesindegi ómir boıǵy tóraǵalyǵyn joıý qajet boldy. Bul jaıynda ol ózi jarııa etti jáne búgin biz iske asyrdyq», - dep jazdy depýtat Facebook-paraqshasynda.

Onyń atap ótýinshe, búgin Májilis tarıhı sheshim qabyldap, Konstıtýtsııalyq zańdarǵa ózgerister engizgen.

«Senatqa «QR Tuńǵysh Prezıdenti – Elbasy týraly», «Qazaqstan halqy Assambleıasy týraly» jáne «QR Qaýipsizdik keńesi týraly» Konstıtýtsııalyq zańdarǵa barlyq qajetti túzetýler jóneltildi. Endigi ýaqytta QHA men Qaýipsizdik keńesine tóraǵalyq zań boıynsha, tulǵasy boıynsha emes laýazymyna baılanysty QR Prezıdentine tıesili bolady», - dedi Qanat Nurov.

Joǵary qaraı