Aýa raıy
Astana -12 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Májilis pen máslıhat saılaýyna kandıdattardy usyný naýqany bastaldy

2020 jyldyń 10 qarasha 2020 07:00

NUR-SULTAN. QazAqparat - Búginnen bastap Májilis pen máslıhat depýtattyǵynan úmitkerler óz kandıdatýrasyn usyna alady, dep habarlaıdy QazAqparat.

Aıta keteıik, buǵan deıin Ortalyq saılaý komıssııasy tóraǵasynyń orynbasary Konstantın Petrov aldaǵy Májilis saılaýyna kimder qatysa alatynyn túsindirgen bolatyn.

Bekitilgen josparǵa sáıkes, kandıdattardy usyný kezeńi daýys berý kúninen eki aı buryn bastalady jáne daýys berý kúninen qyryq kún buryn jergilikti ýaqytpen saǵat on segizde aıaqtalady. ıAǵnı, 10 qarashadan bastap 30 qarasha saǵat 18-00-ge deıin.

Partııalyq tizimdi tirkeý saılaýdan eki aı buryn bastalady jáne saılaýǵa bir aı qalǵanda jergilikti ýaqytpen saǵat 18.00-de aıaqtalady. ıAǵnı, 2020 jylǵy 10 qarashadan 10 jeltoqsan kúngi saǵat 18:00-ge deıin.

Zańǵa sáıkes, saılaý aldyndaǵy úgit partııalyq tizimderdi tirkeý merzimi aıaqtalǵan kezden bastalady jáne saılaý bolatyn kúnniń aldyndaǵy kúngi jergilikti ýaqyt boıynsha saǵat 00.00-de aıaqtalady.

Osylaısha, partııalyq tizim boıynsha saılanatyn Parlament Májilisi depýtattarynyń kezekti saılaýynyń jalpy uzaqtyǵy - taǵaıyndalǵan kúnnen bastap daýys berý kúnine deıin 82 kún.

Konstantın Petrovtyń aıtýynsha, barlyq deńgeıdegi máslıhat depýtattarynyń kezekti saılaýy bir mezgilde ótkiziledi jáne merzimi jaǵynan Prezıdentti, Parlament Senaty depýtattaryn saılaýmen tuspa-tus kelmeýge tıis.

Máslıhat saılaýyn QR Parlamenti Májilisi depýtattaryn saılaýmen bir mezgilde ótkizý boıynsha shekteý joq.

Jalpy, aldaǵy naýqanda 216 máslıhattyń 3276 depýtaty saılanýǵa tıis. Osy oraıda oblystardyń, Nur-Sultan, Almaty jáne Shymkent qalalary máslıhattarynyń 589 depýtaty, oblystyq mańyzy bar qalalardyń 36 máslıhatynda 596 depýtat, aýdandardyń 163 máslıhatynda 2091 depýtat qamtylmaq.

Birinshiden, máslıhatqa saılaý alǵash ret saıası partııalardyń partııalyq tizimderi boıynsha ótýde.

Ekinshiden, saılaý týraly Konstıtýtsııalyq zańdaǵy ózgeristerge sáıkes, tıisti ákimshilik aýmaq ishinde máslıhat depýtattaryn saılaý kezinde biryńǵaı aýmaqtyq saılaý okrýgi qurylady.

Jasy jıyrmaǵa tolǵan Qazaqstan Respýblıkasynyń azamaty máslıhat depýtaty bolyp saılana alady. Respýblıka azamaty bir máslıhattyń ǵana depýtaty bola alady.

Osyǵan sáıkes depýtattyqqa kandıdattardy usyný kezeńi 2020 jylǵy 10 qarashadan bastap 2020 jylǵy 4 jeltoqsanda jergilikti ýaqyt boıynsha saǵat 18:00-ge deıin jalǵasady.

Máslıhat depýtattyǵyna kandıdattardy tirkeý 10 jeltoqsanda jergilikti ýaqyt boıynsha saǵat 18:00-de aıaqtalady.

Saılaý aldyndaǵy úgit-nasıhat 10 jeltoqsanda jergilikti ýaqytpen saǵat 18.00-den keıin bastalady jáne 2021 jylǵy 9 qańtarda aıaqtalady.

Budan buryn habarlanǵandaı, Memleket basshysy Qasym-Jomart Toqaev QR Parlamenti Májilisi jáne máslıhat saılaýyn ótkizý jóninde úndeý jarııalady.


Avtor Janat Qapalbaeva
Basty sózder: Parlament, Saılaý-2021, Saılaý,
Joǵary qaraı