Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Májilis saılaýy: 51 elde 66 saılaý ýchaskesi quryldy

2020 jyldyń 27 qazan 2020 16:38

NUR-SULTAN. QazAqparat - QR Parlamenti Májilisi depýtattaryn saılaýǵa oraı álemniń elinde 66 saılaý ýchaskesi quryldy. Bul týraly búgin QR Ortalyq saılaý komıssııasy tóraǵasynyń orynbasary Konstantın Petrov aıtty, dep habarlaıdy QazAqparat tilshisi.

«Qazaqstan Respýblıkasynyń shet memleketterdegi ókildikteri janynan álemniń 51 elinde 66 saılaý ýchaskesi quryldy. Bul tizimderge tıisti shet memlekette turatyn nemese uzaq merzimdi sheteldik is-saparda júrgen jáne respýblıka azamatynyń jaramdy tólqujaty bar barlyq azamattar engiziledi», - dedi Konstantın Petrov OSK otyrysynda.

Onyń aıtýynsha, shet memleketterge jeke shaqyrýmen, jumys, iskerlik, týrıstik saparmen barǵan Qazaqstan azamattary jaramdy tólqujatymen saılaý komıssııasyna júgingen kezde saılaýshylar tizimine qosylatyn bolady.

«Tizim atalǵan ókildikterdiń basshylary usynǵan málimetter negizinde túziledi. daýys berý kúniniń aldyndaǵy jaǵdaıǵa sáıkes, tizim mindetti túrde naqtylaýǵa jatady. Syrtqy ister mınıstrligi Qazaqstan Respýblıkasy aýmaǵynan tysqary jerde ornalasqan saılaý komıssııalaryna shetelde júrgen azamattardy tizimge qosý jumysyna kómek kórsetýi tıis», - dedi ol.


Joǵary qaraı